1 Kor 1:9 - JAM DE NHIALIC 2011

⁹ Nhialic ee Raan adöt, Raan cï we cɔɔl në këde määth de Wëndɛn Yecu Kërtho Bɛ̈nydïïtda.

1 Kor 1:9 ပူးပေါင်းရင်းမြစ်များ

Diɛt 100:5

Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Yith 11:5

Abï kɔcke mac në piathëpiɔ̈u ku yic.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Romai 8:30

Ku kɔc ɣɔn cï kɔn lɔc, kek aye ke cɔɔl ë yen, ku kɔc cï cɔɔl ë yen, kek aye ke tɔ piɛthpiɔ̈ɔ̈th ë yen, ku kɔc cï tɔ piɛthpiɔ̈ɔ̈th, kek aye ke gäm dhuëëŋ ë yen.

Romai 9:24

ee wook gup, wok kɔc cï cɔɔl, acie Judai yic etök, ee Juööriic aya?

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 10:16

Bïny de athiɛɛi, bïny yok thieei, cie män mɛt wok në riɛm de Kërtho? Kuïn cï pam kuïn yok wääkic, cï en ee män mɛt wok në guöp de Kërtho?

2 Kor 1:18

Ku në dön ee Nhialic adöt, jamda wokë week acie Ɣɛɛ ku be aa Ei.

Galatai 1:15

Ku Nhialic, Raan cï a tɔ̈ɔ̈u pei në maar yäc, go ya cɔɔl në dhuëëŋ de yenpiɔ̈u, të cï en piɔ̈u miɛt,

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

2 Theth 2:14

Yen aa cɔɔl en week në wëlkuɔn piɛth, ke we bï dhuëëŋ de Bɛ̈nydan Yecu Kërtho yök.

2 Theth 3:3

Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

2Tim 2:13

Të cïï wok ee kɔc adööt, ka ye tɔ̈u ke ye Raan adöt, acïï rɔt ee lëu ë jiɛi.”

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 11:11

Gäm de yic aŋäth acï Thara, tiiŋ Abraɣam, yiëk riɛl bï yen meth yök, ago wënde bɛ̈n dhiëëth. Cakaa ɣɔn cï runke, run ke dhiëth lïïr nïïm, ke luɔi cï yen Nhialic gam ɣɔn cï Yen e lɛ̈k en biäk bï yen rɔt dhil looi.

Ɣeberuu 2:17

Yen kë ë tɔ Yen tɔ cït mïthëkɔcken ka në këriëëcic ëbɛ̈n. Ke bï ya Bɛ̈nydïït ë kake Nhialic ee piɔ̈u adöt ku kook piɔ̈u në luɔi de Nhialic yic. Ke bï kɔc ke wɛ̈ɛ̈r bei në karɛckeniic.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 4:13

Ŋïny ŋic wok en nɔn rëër wok ë yeyic, ku nɔn rëër en ë woyiic, kï, miɔ̈c cï en wo miɔɔc në Wëike.

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.