1 Kor 1:27 - JAM DE NHIALIC 2011

²⁷ ee dhän ke piny nɔm kek ë lɔc Nhialic, bïk kɔc pelnïïm tɔ yäär: ku lɔc Nhialic kɔc kɔ̈c, bïk kɔc ril tɔ yäär,

1 Kor 1:27 ပူးပေါင်းရင်းမြစ်များ

Diɛt 8:2

acï kiit në mïththii kor, ayï mïththii ateteet. Yïn cï kony ku luäk yïn në kɔc ke aterdu kedhie, yïn ee raan tɔ kääc ëbɛ̈n raan ee tɔŋ yiɛ̈n yïn.

Yith 29:14

Në biäk de ee kënë, yɛn bï kagɛ̈iyë looi në kɔc yiic. Ku ta pɛlënɔm de röör pelnïïm tɔ cïn naamden, ku ta kɔc de ŋïnydekäŋ tɔ kuc käŋ.”

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Kuɛ̈n 22:30

Go muul puk nɔm an, “Cie yɛn mulduön ee yïn ɣääc ë caaŋdu agut cï ye köölë? De kööl cän yïn kɔn luöi ee kënë? Go Balaam puk nɔm an, “Ei.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Math 21:16

ku thiëckï an, “Kë lueel mïthkë cï piŋ?” Go Yecu ke yɔ̈ɔ̈k an, “Ɣɛɛ, kɛ̈nkï kɔn kueen ë awerekic anandun an, ‘Yïn ë lɛcdu tɔ ye dikëdik në mïththiikë thook ayï mïth ŋoot ë ke thuët?”’

Math 9:9

Na wën, acï Yecu jäl ëtɛ̈ɛ̈n, ke tïŋ raan cɔl Mathayo, arɛ̈ɛ̈r ë maktap de athölbö yic, ago Yecu yɔ̈ɔ̈k an, “Kuany a cök.” Go rɔt jɔt, ku kuɛny cök.

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 7:35

“Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic.

Luɔi 7:54

Na wën, aa cïk kake piŋ, ke ke guutë piɔ̈ɔ̈th, agokï kelec reem ë yenɔm.

1 Kor 1:20

Raan pelnɔm akou? Raan ee löŋ gɔ̈ɔ̈r akou? Raan ŋic wël teet nu nou, raan ë pinyë nɔm? Pɛlënɔm ë kɔc ke pinyë nɔm kënë Nhialic tɔ ye këɣɔ̈ric?

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?