1 Kor 1:25 - JAM DE NHIALIC 2011

²⁵ Acakaa pial ë Nhialic piɔ̈u awär kɔc në pɛlënɔm, ku kɔ̈c kɔ̈ɔ̈cë Nhialic awär kɔc në riɛl.

1 Kor 1:25 ပူးပေါင်းရင်းမြစ်များ

Bɛ̈n 13:17

Na ɣɔn, apɛ̈l melik ë Rip kɔc jäl, Nhialic akën kɔc bɛ̈n tɛ̈ɛ̈k në kueer ë Pilithtia ku ee yen aye kueer thiɔ̈k. Acïï ë Nhialic bɛ̈n cät an, “Të le kɔc ë tïŋ nɔn bï kek lɔ gɔ̈m në kɔc, tɛk däŋ bïk kenïïm waar, ku pukkï kenïïm Rip. Ku acä kɔɔr aya.”

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 2:14

Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.

1 Kor 4:10

Wok ee dhän në baŋ de Kërtho, ku wek ee kɔc pelnïïm ë Kërtho yic! Wok kɔ̈c gup, ku wek ril! Wok cïn naamda, ku wek de nïïm dhuëëŋ!

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.