1 Kor 1:20 - JAM DE NHIALIC 2011

²⁰ Raan pelnɔm akou? Raan ee löŋ gɔ̈ɔ̈r akou? Raan ŋic wël teet nu nou, raan ë pinyë nɔm? Pɛlënɔm ë kɔc ke pinyë nɔm kënë Nhialic tɔ ye këɣɔ̈ric?

1 Kor 1:20 ပူးပေါင်းရင်းမြစ်များ

2 Tham 15:31

Na wën ke raan tök ë yɔ̈ɔ̈k Debid an, “Aɣithopel ë mɛt në kɔc ke Abthalom yiic.” Go Debid lɔ̈ŋ an, “Bɛ̈nydït, yïn läŋ tɔ jam de Aɣithopel tɔ cïn naamde!”

2 Tham 16:23

Ku wɛ̈t cï Aɣithopel lueel në aköölkë yiic, aaye gam cï wɛ̈t bɔ̈ tëde Nhialic guöpde. Ku aake ye Debid kekë Abthalom ke gam.

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

Jop 12:17

Ee pɛlënɔm ë röördït ee kɔc jääm nyaai ku tɔ bäny tɔ cït dhän.

Jop 12:20

Ee kɔc ye kɔc ŋɔ̈ɔ̈th miɛɛm thook, ku nyiɛɛi pɛlënɔm de röördït.

Jop 12:24

Ee yöŋ de käŋiic ë bäny ke piny nɔm nyaai, ku tɔ ke tai ke ke kuc të le kek, të cïn kueer ke ke cï nïïm mum,

Yith 33:18

Ku wek bï aköölkë riɔ̈ɔ̈c aa tak, ku kɔc athölbö kut, ku kɔc ee kɔc tuöm.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Jɔn 12:31

Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Romai 1:20

Ka ke Nhialic ɣɔn ciɛk ë piny, ka cïï duëërë tïŋ, ka cït riɛldɛn thɛɛr, ku luɔi ee yen Nhialic, kakë aye ke ŋic ëgɔk, aye ke ŋic në ka cï cuëëc. Ku acïn kë bï kek röt kɔ̈c,

Romai 1:22

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th,

1 Kor 1:19

Në gäär cï e gɔ̈ɔ̈r an, “Yɛn bï pɛlënɔm ë kɔc pelnïïm riɔ̈ɔ̈k, Ku ŋïnydekäŋ de kɔc ŋic käŋ abä nyaai.”

1 Kor 1:26

Ku we ye cɔ̈t cɔɔlë we tïŋ, wek mïthëkɔckuɔ, an: Acïn kɔc juëc cï cɔɔl, kɔc cï kɔc ke piny nɔm tɔ ye kɔc pel nïïm ayï kɔc ril, ayï kɔc cï dhiëëth ë dhiën ë bɛ̈ny:

1 Kor 1:27

ee dhän ke piny nɔm kek ë lɔc Nhialic, bïk kɔc pelnïïm tɔ yäär: ku lɔc Nhialic kɔc kɔ̈c, bïk kɔc ril tɔ yäär,

1 Kor 1:28

ayï ka youyou ka ke piny nɔm, ayï ka cï biɔɔn, acï Nhialic ke lɔc, acakaa ka liu aya, bï en ka nu tɔ cïn naamden,

1 Kor 11:32

Ku të jiëënyë wo, ke wok ee Nhialic wɛ̈ɛ̈t cït man ë mïthke, ke wo cïï bï yiëk yiëth gääk në kɔc ke piny nɔm ëtök.

1 Kor 2:6

Ku wok ee jam de pɛlënɔm lueel wokë kɔc cï ŋuɛ̈ɛ̈n, ku acie pɛlënɔm ee pinyë ënɔɔnë, ku acie pɛlënɔm ë bänydït ke pinyë nɔm, bäny bï ciën naamden rial.

1 Kor 2:8

Yen aye pɛlënɔm cïn raan töŋ de bäny ke pinyë nɔm ë cï e ŋic, tëë cïk ŋic, adï kënkï Bɛ̈nydïït de dhuëëŋ piäät ë tim cï rïïu nɔm kɔ̈u.

1 Kor 3:18

Në cïn raan ee rɔt math. Na de raan ë weyiic raan ee rɔt tɔ ye raan pelnɔm ë pinyë nɔm, ë ye rɔt tɔ ye dhɔ̈n, luɔi bï en aa raan pelnɔm.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

1 Kor 6:2

Kuöckï kɔc ɣerpiɔ̈ɔ̈th nɔn bï kek löŋ de kɔc ke piny nɔm aa guiir? Duëër röŋ në guiëër bä wek lööŋ thiiakäŋ aa guiir?

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.