1 Kor 1:17 - JAM DE NHIALIC 2011

¹⁷ Kërtho akën a tooc, bä kɔc bɛ̈n baptith, ee guiëër bän wëlpiɛth aa guiir, en aa tooc en ɛn: ku acie pɛl pɛl ɛn nɔm en duɛ̈ɛ̈r ɛn wëlpiɛth aa guiir, ke tim cï rïïu nɔm cïï bï aa ɣɔ̈ric tim de Kërtho.

1 Kor 1:17 ပူးပေါင်းရင်းမြစ်များ

Jɔn 4:1

Na wën, acï Bɛ̈nydït e ŋic nɔn cï Parithai ë piŋ nɔn ë Yecu kɔc juëc tɔ ye kɔcpiööcë ku ye keek baptith awär Jɔn.

Jɔn 4:2

(Ku Yecu guöp aacïï kɔc ë baptith, ee kɔckɛn ë piööcë kek aye kɔc baptith.)

Luɔi 10:48

Go ke yɔ̈ɔ̈k an, bïke baptith në rin ke Yecu Kërtho. Na wën, ke läŋkï, an, bï rëër ke keek ë akööl likë.

1 Kor 2:1

Ku yɛn, mïthëkɔckuɔ, wään bän tëde week, yɛn aa cïï bɔ̈ wo ŋiëc jam ayï pɛlënɔm, wään guiëër ɛn week jam në këde Nhialic.

1 Kor 2:13

Kek ayok ke guiir në wël cï Wëidït ɣer wo wɛ̈ɛ̈t, ku cuku keek ee guiir në wël cï wo wɛ̈ɛ̈t ë pɛlënɔm de raan, ka ke Wëi ayok ke guiir në wël ke Wëi.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 11:6

Ku na cakaa yɛn ë dɛk ë jam, ka cïn ka dak ɛn në ŋïnydekäŋ, ee yic, kënë acuk cök ë nyuth wok e week në këriëëcic ëbɛ̈n.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.