1 Jɔn 5:14 - JAM DE NHIALIC 2011

¹⁴ Riɛl ee wo nyïïn riɛl ë yenɔm kï, an, Tëde en kë yok lip, kë rɔ̈ŋ ke këde yenpiɔ̈u, ka ye këda piŋ.

1 Jɔn 5:14 ပူးပေါင်းရင်းမြစ်များ

1 Mel 3:12

Yɛn bï kë cï kɔɔr looi. Yïn bä gäm pɛlënɔm, ku piɔ̈n ee käŋ yök yiic, ka bï ciën raan töŋ bï ciët yïn ɣɔn ë yïnɔm tueŋ, ku acïn raan däŋ bï bɛ ciët yïn.

Jop 34:28

Ayek kɔc kuanynyïïn tɔ yïn dhiëëu Nhialic, ku Yen ee cɔ̈tdɛn kɔɔr kek kuɔny piŋ.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 31:22

Yɛn aa cï riɔ̈ɔ̈c guɔ tak an cï ya guɔ cuɔp wei në yelɔ̈ɔ̈m. Ku acï dhiëndiën kaar ɛn kuɔɔny bɛ̈n piŋ, wën caal ɛn kuɔɔny tëde Yen.

Diɛt 34:17

Të cïï kɔc piɛthpiɔ̈ɔ̈th dhiau në Bɛ̈nydït nɔm ke ke kɔɔr kuɔɔny, aye Bɛ̈nydït piŋ, ku luɛ̈k keek bei në nuan cï keek yök yic.

Diɛt 69:33

Bɛ̈nydït ee kɔc nuan piŋ röt, ku acïï nɔm ee määr në kɔckɛn cï mac.

Kɛ̈ŋ 10:24

Kë ye raan ee karɛc looi riɔ̈ɔ̈c ee ye cuööp, ku yök raan piɛth piɔ̈u kë ye kɔɔr.

Kɛ̈ŋ 15:29

Lɔ̈ŋ de kɔc ee karɛc looi acie lɔ në Nhialic yïc, ee lɔ̈ŋ de kɔc piɛth piɔ̈ɔ̈th yen ee piŋ.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Math 21:22

Ku na de kë bäk lïm të läŋ wek ku gamkï, abäk keek aa yök.”

Jɔn 11:42

Ku aŋiɛc nɔn ee yïn këdï piŋ ëcaŋɣɔn: ku në biäk de kut ë kɔc kääc ë yalɔ̈ɔ̈m, en aa luɛɛl ɛn en, ke ke bï gam nɔn ë tooc yïn ɛn.”

Jɔn 14:13

Ku të de yen kë bäk lip në rinkï, ka bä looi, ke Wääda bï dhuëëŋ yök në Wënde.

Jɔn 15:7

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Jɔn 9:31

Aŋicku nɔn cïï Nhialic këde kɔc ee kërac looi ye piŋ: ku të riëëuwë raan Nhialic, ku ye këde piɔ̈nde looi, këde aye Nhialic piŋ.

Epethiei 3:12

Raan ee wo tɔ ril nyïïn, bï wo röt cuöt tëthiɔ̈k ke wo cïï nyïïn riɔ̈c në gäm cï wok e gam.

Ɣeberuu 10:35

Duökï riët ya wek wepiɔ̈ɔ̈th riit në aŋäthdunic päl, këriëëc ëbɛ̈n abï cuöl week.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.