1 Jɔn 4:17 - JAM DE NHIALIC 2011

¹⁷ Yen aye nhiëërda tɔ ye dikëdik, luɔi bï wo nyïïn riɛl ëkööl ë guiëërëlöŋ: luɔi tɔ̈u wok ë pinyë nɔm, acït man tɔ̈u en.

1 Jɔn 4:17 ပူးပေါင်းရင်းမြစ်များ

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 10:25

Ë loi tëde raanpiööcë të thoŋ en kekë raan ë wëët en, ku ë loi tëde lïm të thoŋ en kekë bɛ̈nyde. Të cï kek bɛ̈ny de dhiën lat tɔkï ye Beeldhebub, cïkï kɔc ke dhiënde bï aa lat arëët awär luɔi ee kek bɛ̈nyden lat?”

Math 11:22

Ku wek yɔ̈ɔ̈k an, Këtuc bï Tayer yök ayï Thidon acïï bï kït kekë këtuc bäk yök ëkööl ë guiëërëlöŋ.

Math 11:24

Ku yɔ̈ɔ̈k an, Këtuc bï piny ë Thɔdom yök acïï bï kït kekë këtuc bä yök ëkööl ë guiëërëlöŋ.”

Math 12:36

Ku wek yɔ̈ɔ̈k an, “Jam ɣɔ̈ric ëbɛ̈n jam bï kɔc aa lueel, këden abïk lueel ëkööl ë guiëërëlöŋ.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 17:22

Ku dhuëëŋ cï gäm ɛn acä gäm keek, ke ke bï aa tök, cït man ee wok tök:

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Jakop 2:22

Kɛ̈në gäm tïŋ luɔi cï en luui ëtök kekë luɔide, ago gäm aa dikëdik në luɔi.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.

1 Jɔn 2:5

ku na de raan ee jamde döt, ka nhiëër ë Nhialic acï tɔ ye dikëdik ëyic ë yeyic. Yen aŋicku ye nɔn nu wok ë yeyic:

1 Jɔn 2:6

raan luel en an, rëër ë yeyic, abï dhil tɔ̈u ë täu man ɣɔn ee yen tɔ̈u.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

1 Jɔn 4:12

Acïn raan cï Nhialic kɔn tïŋ anande: të nhiɛɛr wok röt, ke Nhialic arɛ̈ɛ̈r ë woyiic, go nhiëërde tɔ ye dikëdik ë woyiic: