1 Jɔn 3:10 - JAM DE NHIALIC 2011

¹⁰ Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:10 ပူးပေါင်းရင်းမြစ်များ

2 Tham 13:22

Ku Abthalom acï Amnon bɛ̈n maan guöp arëët në baŋ cïï yen Tamar nyankënë wiëët, arëk abïï jam puɔ̈l kekë yen.

Math 13:38

ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac,

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Jɔn 1:12

Ku kɔc cï gam, kek aa miɔc ë riɛl bïk aa mïth ke Nhialic, kek kɔc gam rinke:

Jɔn 11:52

ku acie nyin ë jurëyic etök, ee luɔi bïï en mïth ke Nhialic të mat keyiic ëtök ayadäŋ, mïth cï thiäi.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Jɔn 8:47

Raan ë Nhialic ee wël ke Nhialic piŋ: yen acä wek ke piŋ, luɔi cä wek ee kɔc ke Nhialic.”

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Romai 13:8

Duökï ee cath në käny de raan däŋ, ee nhiëër tei, nhiëër bä wek röt aa nhiaar, raan ee raan däŋ nhiaar acï löŋ tiiŋic.

Epethiei 5:1

Yen dam wek täu de Nhialicic, cït mïthkɛn nhiɛɛr.

Kolothai 3:14

Ku në kakë yiic kedhie yak nhiëër dɔm, yen aye kën ee käŋ mat yiic abïk aa dikëdik.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.

1 Jɔn 4:21

Ku löŋë a yökku tëde yen an, Raan nhiaar Nhialic ke nhiaar mɛnhkënë aya.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 4:8

Raan cïï cath ke nhiëër ka kuc Nhialic, Nhialic yen aye nhiëër.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

1 Jɔn 5:2

Të nhiɛɛr wok Nhialic, ku dötku lööŋke, yen aŋicku yen nɔn nhiɛɛr wok mïth ke Nhialic.

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.