1 Jɔn 2:29 - JAM DE NHIALIC 2011

²⁹ Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 2:29 ပူးပေါင်းရင်းမြစ်များ

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Jɔn 1:13

Kɔc kënë dhiëëth ë riɛm, ku kënëke dhiëëth ë këde guöp, ku kënë ke dhiëëth ë këde piɔ̈n ë moc, aake dhiëëth Nhialic.

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Luɔi 22:14

Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ.

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

1 Jɔn 5:4

Ku kë cï dhiëëth ë Nhialic ëbɛ̈n ee ka ke piny nɔm tiaam: ku gämda yen ee tiëm ee ka ke piny nɔm tiaam.

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.