1 Jɔn 2:27 - JAM DE NHIALIC 2011

²⁷ Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 2:27 ပူးပေါင်းရင်းမြစ်များ

Kɛ̈ŋ 28:5

Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Lebai 7:35

Kënë ee biäk de miɔ̈c Bɛ̈nydït, miɔ̈c ye looi në mac, miɔ̈c wään cï gäm Aron kekë wɛ̈ɛ̈tke, në kööl ɣɔn gëm ë keek Bɛ̈nydït. Bïk Bɛ̈nydït aa luööi ke ke ye bäny ke kake Nhialic.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 6:45

Ë gɔ̈ɔ̈r ë tït an, ‘Kɔc abïï ke wɛ̈ɛ̈t ë Nhialic kedhie.’ Ago raan ëbɛ̈n raan cï käŋ piŋ tëde Wääda, ku cï wëët, go bɛ̈n tëde yɛn.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

1 Kor 2:13

Kek ayok ke guiir në wël cï Wëidït ɣer wo wɛ̈ɛ̈t, ku cuku keek ee guiir në wël cï wo wɛ̈ɛ̈t ë pɛlënɔm de raan, ka ke Wëi ayok ke guiir në wël ke Wëi.

2 Kor 1:21

Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic.

Epethiei 4:21

të cä wek jamde piŋ, ku të cï we wɛ̈ɛ̈t në yen, në wëët yic nu ë Yecu yic:

Kolothai 2:6

Yen ka, acït man cä wek Kërtho Yecu Bɛ̈nydït nööm, yen rɛ̈ɛ̈r wek ë yeyic aya.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

1 Theth 4:9

Ku në këde nhiëër bä wek mïthëkɔckun nhiaar acïn kë duɛ̈ɛ̈r gäär wek, wegup, we cïï Nhialic wɛ̈ɛ̈t an, bäk röt nhiaar wapäc.

1 Tim 2:7

ku yɛn cï dɔm aye raan bï këde guiir, ku ya tuc (yic en aa luɛɛl ë Kërthoyic, yɛn cïï lueth tör), ku ya raan ee Juöör wɛ̈ɛ̈t në gäm ku në yic!

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

2 Jɔn 1:2

në baŋ de yic, yic ë tɔ̈u në woyiic, ku bï aa tɔ̈u ke wook aɣet athɛɛr: