1 Jɔn 2:20 - JAM DE NHIALIC 2011

²⁰ Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:20 ပူးပေါင်းရင်းမြစ်များ

Diɛt 16:10

në luɔi cï Yïn a gël në riɛl de thuɔɔu, yen aa luööi ɛn Yïn në piɔ̈ndï ëbɛ̈n, ku Yïn cïï ya bï päl paan ë thuɔɔu.

Diɛt 23:5

Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 71:22

Yïn bä leec në thom, yɛn bï piɔ̈nduön adöt piɔɔny Nhialicdï. Yïn bä kiët diɛt në thomdï, Yïn Nhialic Ɣeric de Yithriɛl.

Diɛt 92:10

Ku Yïn cï yɛn gäm riɛl thöŋ ke riɛl ë thɔn anyaar, Yïn cï yɛn thieei ë miɛtëpiɔ̈u.

Kɛ̈ŋ 28:5

Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Lebai 7:35

Kënë ee biäk de miɔ̈c Bɛ̈nydït, miɔ̈c ye looi në mac, miɔ̈c wään cï gäm Aron kekë wɛ̈ɛ̈tke, në kööl ɣɔn gëm ë keek Bɛ̈nydït. Bïk Bɛ̈nydït aa luööi ke ke ye bäny ke kake Nhialic.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Luk 4:34

“Cai! Eeŋöda në yïn, yïn Yecu de Nadhareth? Ë yï bɔ̈ bä wo bɛ̈n nɔ̈k? Yïn ŋiɛc nɔn ee yïn Raan ɣeric de Nhialic!”

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

1 Kor 2:15

Ku raan ë yepiɔ̈u tuöm ka ke Wëi, yen aye käŋ yök yiic kedhie, ku yenguöp acïn raan bï ye yökic.

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

Ɣeberuu 8:11

Ku acïn raan në keyiic bï keek bɛ wɛ̈ɛ̈t në kajuëc cït kake löŋ thɛɛr, në luɔi bï kek Ya ŋic ‘Yɛn Bɛ̈nyden.’ Në luɔi bï kek Ɛn ŋic kedhie, gɔl ë raan koor agut cï raan dït.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 4:13

Ŋïny ŋic wok en nɔn rëër wok ë yeyic, ku nɔn rëër en ë woyiic, kï, miɔ̈c cï en wo miɔɔc në Wëike.

Juda 1:5

Ku yɛn de piɔ̈u luɔi täk ɛn wenïïm, ciɛk an, cäk kënë kɔn ŋic, näŋ cïï Bɛ̈nydït kɔc reec gäm nɔ̈k, acakaa yen ë cï kɔc kɔn kony bïï ke bei paan ë Rip.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”