Nyuuth tënë Joon 18:8 - Lëk yam

⁸ Rin ye Babilon jiɛɛm kanhiaam këya, ee kaam thiin koor ku abï Nhialic kädït rɛc apɛi cɔl aabɔ̈ tënë yeen cïmën tuaany, ku cɔŋdït apɛi ku thuɔɔu. Abï yɔɔt mac bï nyop ëbën, rin Bɛ̈ny Nhialic yen bï ye tɛ̈m awuɔ̈c, ala riɛldït apɛi.

Nyuuth tënë Joon 18:8 ပူးပေါင်းရင်းမြစ်များ

1 Korinth 10:22

Na loiku ë kënë, ke rin wïc ɣok ye buk Bɛ̈ny rac puɔ̈u. Yeku tak lɔn ril ɣok apɛi buk Bɛ̈ny dhɔ̈l ku cïï ɣo tëm awuɔ̈c?

Nyuuth tënë Joon 11:17

ku luelkë, “Bɛ̈ny Nhialic Madhɔl yen rɛ̈ɛ̈r thïn thɛɛr ku yen tɔ̈ thïn ëmën. Yïn yeku leec rin cï yïn riɛldu nyuɔ̈th ɣook ku yïn acï määcdu jɔɔk cök!

Nyuuth tënë Joon 17:16

Lɛ̈i ku bänyŋaknhïïm kathiäär ca tïŋ aabï kenhïïm wɛ̈l adëjöŋ kënë. Abïk dɔm ku thatkë ku retkë kɔ̈u, ku pälkë ke cïn kë cieŋ. Aabï guäpde cuet. Abïk rac ku yɔt abaŋ cï döŋ ë mac.

Nyuuth tënë Joon 17:18

Go atuny nhial lɛ̈k ɣa, “Tiŋ ca tïŋ kënë ë gendït yen mac bäny pinynhom ëbën.”

Nyuuth tënë Joon 18:17

Rin käkkä aacï guɔ bɛ̈n määr nyin yic.’ “Kɔc ë riäth geer adɛ̈kdiɛɛt yiic, ku kɔc la käkken yekë keek la ɣaac riäth yiic, käk ye kek pïr thïn aabï kɔ̈ɔ̈c tɛ̈mec,

Nyuuth tënë Joon 18:19

Ku jɔlkë kenhïïm pot ë ŋeth bïk nyuɔɔth lɔn cï kek puɔ̈th löny ku dhiɛɛukë apɛi ku luelkë, ‘Makei! Cï gendït riääk këya? Gendït wäär ye kɔc la riäth jiɛɛk la yök thïn, yen cï guɔ riääk ye kaam thiin yic kek käk tɔ̈ thïn ëbën!

Nyuuth tënë Joon 19:3

Ku ben thän awën loi kiɛɛu yai cam, “Lecku Nhialic! Babilon abï dëp ku many nyop ye abï tol ya la nhial akölriëëc ëbën.”