Nyuuth tënë Joon 14:7 - Lëk yam

⁷ Ku lueel röldït, “Thɛkkë Nhialic ku lɛckë rin dïït yen apɛi. Rin nïn aacï thök, nïn bï yen kɔc ë pinynhom ɣäth ë luk yic. Duɔrkë rin yen aa cak nhial ku piny ku wërdït ku nyïn ë pïu.”

Nyuuth tënë Joon 14:7 ပူးပေါင်းရင်းမြစ်များ

Matheo 25:13

Ku wit Jethu wɛ̈tde ëlä, “Rɛ̈ɛ̈rkë we cï röt guiir, rin wek aa kuc aköl bï ɣɛn bɛ̈n.”

Luka 17:18

Yeŋö yen raan wun dɛ̈t yen dhuk bï Nhialic bɛ̈n leec?”

Luɔi Atuuc 14:15

“Yeŋö looi wek kënë? Ɣok aa kɔc ë path cïmëndun. Ɣok aacï bɛ̈n buk Wɛ̈t Puɔth Yam Jethu bɛ̈n lueel, ku buk we nyaai käk yakë doorkä yiic rin cïn kek wɛ̈tden yic, ku bäk aa door Nhialic töŋ pïr, cï nhial ku piny ku wër kek käkkith tɔ̈ thïn ëbën cak.

1 Pïtɛr 4:7

Tɛ̈ bï käk loi röt ëmën thök ëbën acï thiɔ̈k. Cɔ̈kkë wepuɔ̈th ku rɛ̈ɛ̈rkë ke we tïr nhïïm bäk lëu bäk röök.

Nyuuth tënë Joon 11:13

Kaam wën cök ka ayiɛ̈ɛ̈kyiɛ̈ɛ̈k dït tet loi rot. Go tööŋ ë thiäär ë gɛu wïïk, ku thou raan tiim kadhorou. Ku jɔl kɔc cï pïr riɔ̈ɔ̈c ku leckë dït Nhialic tɔ̈ nhial.

Nyuuth tënë Joon 11:18

Ku kɔc kuc yïïn aake cï puɔ̈th riääk rin tɛ̈n riäŋ ë piändu acï bɛ̈n tɛ̈ bï kɔc cï thou ɣäth luk yic, ku tɛ̈ bï kɔc ariɔ̈pden yök yïïn luɔ̈ɔ̈i, ku kɔc käk Nhialic tïŋ, ku kacku ëbën kɔc yï door, kɔckor ku kɔcdït ëbën aacï bɛ̈n. Tɛ̈ bï kɔc cï pinynhom rac nɔ̈k acï bɛ̈n.”

Nyuuth tënë Joon 15:4

Raan ëbën abï riɔ̈ɔ̈c ë yïïn Bɛ̈ny! Ku riɛnku abï leec athɛɛr! Ee yïïn ë rot yïn Nhialic ë yic. Kɔc ë pinynhom aabï ya bɛ̈n ku dorkë yïïn. Raan ëbën acï tɛ̈pɛth ye yïn luui thïn tïŋ.”

Nyuuth tënë Joon 16:9

Kɔc aake cï atuny akɔ̈l nyop apɛi abï ke gäm gup ɣɔ̈ntöök. Gokë Nhialic lat guɔ̈p, Nhialic yen bïï kärɛckä, ku cïk luɔi kärɛc päl ku cïk Nhialic ye leec.

Nyuuth tënë Joon 18:10

Aabï kɔ̈ɔ̈c tɛ̈mec, rin cï kek riɔ̈ɔ̈c ciɛ̈t ke bï gäm awuɔ̈c thiek cït kën cï gäm Babilon, rin wäär cï kek kärɛc looi aya kek ye. Abïk aa lueel, ‘Ye kërɛɛc ë dë, gendït Babilon, gen ril yen cï guɔ riääk ye kam thiin yic!’

Nyuuth tënë Joon 18:17

Rin käkkä aacï guɔ bɛ̈n määr nyin yic.’ “Kɔc ë riäth geer adɛ̈kdiɛɛt yiic, ku kɔc la käkken yekë keek la ɣaac riäth yiic, käk ye kek pïr thïn aabï kɔ̈ɔ̈c tɛ̈mec,

Nyuuth tënë Joon 18:19

Ku jɔlkë kenhïïm pot ë ŋeth bïk nyuɔɔth lɔn cï kek puɔ̈th löny ku dhiɛɛukë apɛi ku luelkë, ‘Makei! Cï gendït riääk këya? Gendït wäär ye kɔc la riäth jiɛɛk la yök thïn, yen cï guɔ riääk ye kaam thiin yic kek käk tɔ̈ thïn ëbën!

Nyuuth tënë Joon 19:5

Ku piɛŋ röl ke cöt thööc lɔ̈ɔ̈m ku lueel, “Wek aa dhil Nhialicda leec, week ëbën, kɔc ril ku kɔc niɔp, wek kɔc thek yeen ëbën ye door.”

Nyuuth tënë Joon 4:11

“Yïn ala yic, buk yïïn a door Bänyda Nhialic, ku gɛ̈mku yïïn alɛɛc rin le yïn riɛl ku diik. Rin yïn acï këriëëc ëbën cak, ku riɛnku yen acï yïn këriëëc ëbën cak ku pïïrkë.”

Nyuuth tënë Joon 4:9

Lääi kaŋuan aa diɛt ket tënë raan cï nyuc thööc nhom, pïr akölriëëc ëbën. Aa ket waak leec kek ye lɔn ril yen ku le diikdït. Tɛ̈ looi kek ye këya,

Nyuuth tënë Joon 8:10

Ku koth atuny ë diäk kaŋde. Go ya kueldït apɛi dɛ̈p yen lööny tööŋ ë diäk wër ku nyïn pïu ye dek yiic.