Matheo 27:62 - Lëk yam

⁶² Nawën aköl Dätem aköl bɔ̈ aköl Dhiëc cök, ke kɔcdït käk Nhialic ku kɔc akut Parathï la tënë Pilato,

Matheo 27:62 ပူးပေါင်းရင်းမြစ်များ

Matheo 26:17

Nawën aköl tueŋ Yandït Ayum cïn yic luɔu, ke kɔc Jethu buɔɔth bɔ̈ tënë ye, ku thiëckë, “Ye tɛ̈nɛn wïc bï ɣok miëth yai guiir thïn tënë yï?”

Marko 15:42

Wën col piny, bï aköl cïï kɔc Itharel ye luui guɔ bɛ̈n, ke Jothep raan gen Arimatheo bɔ̈. Ku ë ye raan kɔcdït luŋ Itharel, ku yeen aya ëcï Wɛ̈t Puɔth Yam gam. Nawën le tïŋ lɔn cï Jethu thou, ke riil yenyin ku ler tënë Pilato, ku thiëëc guɔ̈p Jethu bï la thiɔ̈k.

Joon 19:14

Ku aköl kënë yen aköl guiir kɔc röt rin Yan Ayum cïn yic luɔu. Nawën tɛ̈cït akɔ̈l ciɛl yic, ke lëk Pilato kɔc Itharel, “Bɛ̈nydun ŋaknhom akïn!”

Joon 19:31

Go kɔc Itharel Pilato thiëëc bï ke puɔ̈l bïk kɔc cï piäät tiim cï rïïu kɔ̈th dhoŋ kuɔ̈l, ku nyɛɛikë guäpken tiim cï rïïu kɔ̈th. Ku ë loikë këlä rin ye yen aköl niɛ̈n Dhiëc, ku acïk ye wïc bï guäpken rëër tiim cï rïïu kɔ̈th aköl niɛ̈n Dätem, rin yen aköl yandït apɛi.

Joon 19:42

Ku rin bï yen aköl yan kɔc Itharel nhiäk, ku rin thiɔ̈k raŋ aya, gokë guɔ̈p Jethu tɔ̈ɔ̈u thïn.