Luka 6:17 - Lëk yam

^17-18 Go Jethu bɛ̈n piny ku kɛ̈ɛ̈c tɛ̈thöŋ nhom gɔt cök kek kɔcken ye buɔɔth, ku kɔc juëc kɔ̈k ke bɔ̈ Judia ku Jeruthalem. Ku kɔc bɛ̈ɛ̈i kɔ̈k tɔ̈ wärkɔ̈u cïmën Tire ku Thidon, aake cï bɛ̈n bïk bɛ̈n piŋ piööc Jethu, ku bï ke bɛ̈n kony tuɛny tɔ̈ kegup. Ku kɔc ke la gup jakrɛc aake cï bɛ̈n aya go Jethu ke kony.

Luka 6:17 ပူးပေါင်းရင်းမြစ်များ

Matheo 11:21

“Wek kɔc gen Koradhin! Ku Bethaida! Wek aa tiit kärac apɛi, rin käjuëc jäŋ gɔ̈i cäk tïŋ cï looi gɛɛthkun yiic, ku ke cï looi Tire ku Thidon gɛɛth wäär ceŋ kɔc rɛc, ŋuɔ̈t kɔc ë gɛɛthkä aacï kepuɔ̈th dhuɔ̈k ciëën thɛɛr ku pälkë luɔi kärac!

Matheo 12:15

Go Jethu kë loikë ŋic, ku jiël tɛ̈n awën, go kɔc juëc buɔɔth. Ku kony kɔc tuany bïk pial,

Matheo 14:14

Nawën kɛɛc Jethu piny ë riäi yic, ke tïŋ kɔc juëc apɛi, go yic ŋɛɛr ë ke, ku kony kɔcken tuany.

Matheo 15:21

Ku jɔl Jethu jäl ku ler wun dɛ̈t tɛ̈thiääk kek Tire ku Thidon.

Matheo 5:1

Wën tïŋ Jethu kɔc juëc apɛi, go la tɛ̈thöny gɔt nhom. Ku nyuuc ku mɛ̈t kɔcken ye buɔɔth röt ye,

Luka 5:15

Ku tɛ̈wën cï Jethu ye cak thɔn këya, ke wɛ̈t go thiëi piny abï kɔc juëc aa guëër tënë Jethu bïk piɔ̈ɔ̈cde bɛ̈n piŋ, ku kony ke bïk pial.

Luka 6:12

Naɣɔn akäl tök ë nïnkä yiic, ke Jethu la gɔt nhom tɛ̈ cïï ceŋ bï la röök, ku jɔl ruu röök tënë Nhialic.