Luka 12:28 - Lëk yam

²⁸ Ku na ye Nhialic wɛl cil ë path cɔl adhëŋ këlä, wɛl tɔ̈ thïn akölë ku na nhiäk nïn lik ke ril wei ku took ke mac, ke Nhialic cïï we bï kuɛ̈ɛ̈c nhïïm, wek aa kɔc la gam thin koor.

Luka 12:28 ပူးပေါင်းရင်းမြစ်များ

Matheo 14:31

Go Jethu dɔm nyin yic ku lueel, “Yïn raan la gam koor, yeŋö diiu yïn?”

Matheo 16:8

Go Jethu kë takkë guɔ ŋic ku lëk ke, “Wek kɔc koor gamdun! Yeŋö ye wek diɛɛr lɔn cïn wek miëth? Ŋot we cie käŋ ye deet?

Matheo 17:17

Go Jethu lɛ̈k ke, “Wek kɔc cie lac gam, yakë tak ba rëër kek we ɣet nɛn? Bɛ̈ɛ̈i dhɔ̈ŋ kënë tënë ɣa.”

Matheo 17:20

Go lɛ̈k ke, “Ee rin koor gamdun,” Ku le tueŋ ku lueel, “Na we la gam cɔk kuur cïmën manh ŋaap koor nyin, ka lɛ̈kkë ë gɔn kënë, ‘Jälë ë tɛ̈n!’ Ka lëu bï jäl. Acïn kë dhal we bäk cïï loi.” Ku lëk ke, “Jɔŋ cït kënë ë ɣɛn alëu ye ba cuɔp wei, rin ye ɣɛn cool ë röök!”

Matheo 6:30

Ku na ye Nhialic wɛl tɔ̈ roor cɔl adhëŋ këya, wɛl tɔ̈ thïn ëmën, ku na nhiäk nïn lik ke ril wei ku took ke mac, ke yeen cïï we bï kuɛ̈ɛ̈c nhïïm? Ye gam thiin koor ŋö be rëër kek we këya!

Matheo 8:26

Go lɛ̈k ke, “Wek kɔc koor gamdun, yeŋö ye wek riɔ̈ɔ̈c këlä?” Ku jɔt rot ku rël yom ku atiaktiak, gokë la dïl.

Luka 8:25

Ku thiëëc ke, “Tɛ̈ gamdun tɛ̈nɛn?” Gokë nhïïm la cɔ̈t ku riɔ̈ɔ̈ckë riɛldït cït kënë, ku jiɛɛmkë kamken, “Ye raan yïndë kënë, na cɔk a yom ku atiaktiak ë ke piŋ wɛ̈tde?”

Athör cï gät kɔc Itharel cï gam 6:7

Raan cï wɛ̈t Nhialic gam piände ëbën athöŋ ke dom dhie la tiɔɔm path, ee pïu yiɔ̈i na tueny deŋ ku pur ke lok apath. Raan cït kënë aye Nhialic puɔ̈u miɛt tënë ye, ku kony bï pïr akölriëëc ëbën yök. Ku dom ye puur ku la kuɔɔth cil thïn, acït raan ye lɛ̈k wɛ̈t Nhialic ku cïï piŋ. Raan cït kënë aye Nhialic tɛ̈m awuɔ̈cdït bï yen rëër pan mac akölriëëc.

1 Pïtɛr 1:24

Cïmën ye athör thɛɛr wël Nhialic ye lueel ëlä, “Raan ëbën acït noon ë riɛl, ku kuat këden path ëbën, acït yɔ̈ɔ̈k ë tɛŋ.