Athör cï gät kɔc Itharel cï gam 10:5 - Lëk yam

⁵ Këya, ëcï Raan cï lɔc ku dɔc lɛ̈k Nhialic wäär bïï yen pinynhom ëlä, “Yïn acïï wïc käk ye nɔ̈k ku käk ye juɛ̈r yïïn, rin cï yïn ɣa gäm guɔ̈pdiɛ̈n bï juaar tënë yïïn.

Athör cï gät kɔc Itharel cï gam 10:5 ပူးပေါင်းရင်းမြစ်များ

Matheo 11:3

“Ye yïn raan yï bï bɛ̈n, aye raan dɛ̈t yen buk tiit?”

Luka 1:35

Go atuny Nhialic bɛn lɛ̈k ye, “Wëi Nhialic abï lööny yïguɔ̈p ku riɛlde abï bɛ̈n yïnhom. Manh thin dhëŋ ba dhiëëth abï cɔl Wën Nhialic.

Luka 7:19

“Ye yïn raan bï bɛ̈n aye raan dɛ̈t yen buk tiit?”

Joon 1:14

Wɛ̈t acï bɛ̈n a raan ku ciëŋ ke ɣo. Ku diɛɛkde acuk tïŋ, diik Wën töŋ Nhialic. Ku ë yen bïï yic, ku liɛr puɔ̈u Nhialic tënë ɣo.

Galatia 4:4

Na wäär la nïn thök, go Nhialic Wënde tuɔ̈ɔ̈c pinynhom. Acï bɛ̈n kecït raan bï dhiëëth tik ë path. Ku muk löŋ kɔc Itharel,

1 Timothï 3:16

Acïn raan lëu bï kë cï nyuɔɔth, këdan thekku ë yic, jai. Yeen acï nyuɔɔth ke ye raan. Acï Wëi Nhialic nyuɔɔth lɔn ee yen raan la cök. Ku acï atuuc nhial tïŋ, ku lëk wuɔ̈ɔ̈t ëbën. Ku kɔc pinynhom aacï bɛ̈n la gam tënë yeen, ku acï ɣäth nhial pan Nhialic.

Athör cï gät kɔc Itharel cï gam 1:6

Ku wäär tuuc Nhialic Wënden bï thɔ̈n käkke pinynhom acï lueel aya ëlä, “Yen adhil atuuc nhial door.”

Athör cï gät kɔc Itharel cï gam 10:10

Jethu raan cï lɔc ku dɔc acï kë wïc Nhialic tënë ye bï looi, looi. Ku rin cï yen rot juaar arak tök thɛɛr, käkkuan rɛc aacï wuɔ̈ɔ̈ny wei ëbën.

Athör cï gät kɔc Itharel cï gam 10:7

Ku luɛɛl, ɣɛn akïn ba kë wïc looi Nhialic Madhɔl, cïmën cï ye gɔ̈t riɛnkiɛ̈ athör löŋ thɛɛr yic.”

Athör cï gät kɔc Itharel cï gam 10:8

Ëmën, tääukë wepuɔ̈th piny ku takkë wɛ̈t cï Jethu lueel tueŋ ëlä, “Yïn acïï wïc, ku tɛ̈dë yïn acie puɔ̈u ye miɛt tënë käk ye juaar, ku käk ye näk yï bïk adumuɔ̈ɔ̈m nyaai.” Acï lueel këlä cɔk alɔn ye käk ye juaar looi cït tɛ̈ ye löŋ ye luɛɛl thïn.

Athör cï gät kɔc Itharel cï gam 2:14

Jethu acï ya raan cïmënda. Rin na le thou, ke gök jɔŋrac la riɛl ë thou.

Athör cï gät kɔc Itharel cï gam 5:7

Wäär ciëŋ Jethu pinynhom, ëcï röök apɛi tënë Nhialic, ku cɔɔl Nhialic ke dhiau, Nhialic lëu ye bï kony thou yic. Ku yen acï Nhialic bɛ̈n kony rin yen Jethu yök ke loi këden wïc.

Athör cï gät kɔc Itharel cï gam 8:3

Ku cït lɔn ye raandït käk Nhialic kuany bï käŋ aa juaar ku nɛ̈k ɣɔ̈k tënë Nhialic, ke raandan dït käk Nhialic aya adhil la kë ye juër Nhialic.

1 Pïtɛr 2:24

Krïtho acä awuɔ̈c jɔt, awuɔ̈c kärɛc cuk ke looi, wäär reem ye tim cï rïïu kɔ̈k, rin bï ɣok luɔi adumuɔ̈ɔ̈m puɔ̈l ku pïïrku ë pïr la cök. Ku tɛ̈töök juëc cï yiëk ye aacï we waar ë thou yic.

2 Joon 1:7

Ɣɛn aluel kënë rin kɔc kɔ̈k ë kɔc wëŋ nyïn aatɔ̈ thïn, aa kɔc piɔ̈ɔ̈c lueth ë path. Ayekë lueel lɔn Jethu Krïtho akëc bɛ̈n pinynhom kecït raan. Raan ye lueel këlä, ee kɔc wɛ̈ŋ wei, ku athöŋ kek raan ater ë Jethu.