Luɔi Atuuc 13:32 - Lëk yam

^32-33 “Ku ɣok aacï bɛ̈n buk we bɛ̈n lɛ̈k thoŋ path cï Nhialic yepuɔ̈u tɔɔŋ ke bï luɔ̈i wärkuan dït. Acï luɔ̈i ɣo ëmën ɣok miɛ̈thken, rin cï yen Jethu cɔl aben pïr ke cï thou. Cïmën cï ye gɔ̈t ëlä waak rou athör thɛɛr wël Nhialic yic, ‘Yïn ee wëndiɛ̈, ɣɛn acï ya Wuur akölë.’

Luɔi Atuuc 13:32 ပူးပေါင်းရင်းမြစ်များ

Luka 1:19

Go atuny Nhialic dhuɔ̈k ye, “Ee ɣɛn Gabriɛl, rɛ̈ɛ̈r Nhialic lɔ̈ɔ̈m ku ɣɛn acï tooc ba yï bɛ̈n lɛ̈k wɛ̈t puɔth kënë.

Luka 2:10

Go atuny Nhialic lɛ̈k ke, “Duɔ̈kkë riɔ̈c, ee wɛ̈t path yen alɛ̈k we, wɛ̈t bï thäi ëbën puɔ̈th miɛt thïn.

Luɔi Atuuc 10:36

Yïn aŋic wɛ̈t cï lɛ̈k kɔc Itharel, Wɛ̈t Puɔth Yam cï Jethu Bɛ̈ny mac kɔc ëbën bɛ̈ɛ̈i bï kɔc dɔ̈ɔ̈r ke Nhialic.

Luɔi Atuuc 13:23

“Ë ye Jethu raan kuat Debit, yen cï Nhialic looi ke ye raan bï kɔc Itharel luɔ̈k, tɛ̈cït tɛ̈ cï yen ye luɛɛl thïn wäär.

Luɔi Atuuc 13:38

“Awiëc bäk ŋic wek wämäthkiɛ̈ Itharel, lɔn nadë ke rin Jethu yen abï kärɛc päl piny tënë kɔc. Raan bï wɛ̈tde gam abï adumuɔ̈ɔ̈mke päl piny tënë ye. Ku kënë ë këc löŋ Mothith looi wäär tënë we.

Luɔi Atuuc 14:15

“Yeŋö looi wek kënë? Ɣok aa kɔc ë path cïmëndun. Ɣok aacï bɛ̈n buk Wɛ̈t Puɔth Yam Jethu bɛ̈n lueel, ku buk we nyaai käk yakë doorkä yiic rin cïn kek wɛ̈tden yic, ku bäk aa door Nhialic töŋ pïr, cï nhial ku piny ku wër kek käkkith tɔ̈ thïn ëbën cak.

Luɔi Atuuc 26:6

Ku ëmën ɣɛn a kääc luk yic ë tɛ̈n rin ye ɣɛn wɛ̈t cï Nhialic lɛ̈k wärkuan dït ŋɔ̈ɔ̈th,

Luɔi Atuuc 3:19

Ke yeen, pälkë luɔi kärɛc, ku ye wɛ̈t Nhialic yen gamkë, ku bï Nhialic adumuɔ̈ɔ̈m cäk looi päl piny,

Luɔi Atuuc 5:42

Ku yekë kɔc piɔ̈ɔ̈c wɛ̈t Puɔth Yam Jethu Krïtho akölaköl luaŋ Nhialic kɔc Itharel, ku bääiken yiic aya.

Kɔc pan Roma 1:2

Wɛ̈t Puɔth Yam, ee wɛ̈t cï Nhialic thɔn thɛɛr, ku ëcï kɔc käkke tïŋ lueel tɛ̈cït tɛ̈ cï gät ye wël thɛɛr Nhialic yiic.

Kɔc pan Roma 10:15

Ku bïk wɛ̈t piŋ këdë tɛ̈ cïn yen raan cï tuɔ̈c ke. Cïmën cï ye gɔ̈t athör thɛɛr wël Nhialic yic ëlä, “Ee këpath apɛi, kɔc bïï wɛ̈t puɔth yam aa bɔ̈.”

Kɔc pan Roma 4:13

Nhialic acä Abaram thɔn ku mïth bï lɔ̈k dhiëëth lɔn bï pinynhom a këden. Nhialic akëc athön kënë looi rin theek Abaram löŋ, ee rin cï yen gam, ku gam yen acï yen a raan la cök tënë Nhialic.

Kɔc pan Roma 9:4

Keek aa kɔc cï Nhialic lɔc ku cɔl ke aaye kacke, ku nyuth ke duaarde ku looi dɔ̈ɔ̈r ke ke ku gɛ̈m ke löŋ. Ku nyuth ke tɛ̈ bï kek ye aa duɔɔr thïn apath. Ku yökkë käk cï Nhialic thɔ̈n ke.