Zaburi 97:3 - Digo Bible

³ Moho nkumtanguliya na kuocha avihae pande zosi.

Zaburi 97:3 ပူးပေါင်းရင်းမြစ်များ

Zaburi 18:8

Mosi wafuka kula mwakpwe pulani, moho uochao uchituluka kula mwakpwe mromoni, makala ga moho gachituluka kula mumo.

Zaburi 18:9

Wakuwesa ko Mlunguni achitserera, ingu dziru richikala tsini ya maguluge.

Zaburi 50:3

Mlungu aredza na kakala zii, mbereze kuna moho mkali na phuto kali rikamzunguluka.

Ezekieli 1:4

Wakati nriphokala nalola, náona phuto ra chikulukulu rinapiga kula uphande wa vurini, ingu kulu rozungulukpwa ni mwanga. Kahi ya ro ingu kala kunatuluka limeme rokala rinameka-meka. Na kahi-kahi ya nyo mmeko kala phanangʼala dza chuma chingʼalacho.

Danieli 7:10

Muho wa moho waandzira pho phakpwe chihini uchijera mbereze. Maelufu na maelufu ga atu kala ganamuhumikira na mamilioni ga atu kala gaimire mbereze. Koti kala i tayari kuamula na vitabu vichivugulwa.

Habakuki 3:5

Makongo gamtanguliya mbereze na nyumaze achiricha mashaka.

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Kumbukumbu 4:11

“Phahi, mwakusanyika mbere zangu na mchiima tsini ya hinyo mwango ambao wakati hinyo kala unaaka moho uriofika hadi mlunguni. Tsona mwango hinyo kala ukafwinikpwa ni jiza na ingu ziho.

Kumbukumbu 4:36

Wakuhendani musikire sautiye kula mlunguni ili aweze kukutiyani adabu. Na hipha duniani achikuonyesani mohowe mkpwulu na mchisikira manenoge kula kahi-kahi ya hinyo moho.

Kumbukumbu 5:4

Mwenyezi Mlungu wagomba namwi uso kpwa uso hiko mwangoni kula kahi-kahi ya moho.

2 Athesalonike 1:8

Andakpwedza na jimbijimbi ra moho, edze atiye adabu hara asioogopha Mlungu, na atu aremao habari nono kuhusu Bwana wehu Jesu Muokoli.

Aeburania 12:29

Mana Mlungu wehu ni dza moho uochao tsetsetse!

Maono 11:5

Mutu yeyesi achitaka kualumiza andaolagbwa ni moho ulao mwao miromoni. Mutu dza hiye, ni lazima aolagbwe dza hivyo.

Maono 20:15

Na mutu yeyesi ambaye dzinare tariandikirwe himo mwenye chitabu cha uzima, naye piya watsuphiwa ziya ra moho.