Zaburi 91:3 - Digo Bible

³ Kpwa kpweli Mlungu andakuokola na muhambo wa muindza, na kukurinda na makongo mai.

Zaburi 91:3 ပူးပေါင်းရင်းမြစ်များ

2 Samueli 24:15

Phahi Mwenyezi Mlungu wareha ukongo mui Iziraeli, hangu ligundzu hadi muda uriokala ukapangbwa. Atu elufu mirongo sabaa achifwa kahi ya tsi yosi kula Dani hadi Beeri-Sheba.

1 Afalume 8:37

“Napho tsi ikamenya ndzala au ukongo, au mimea inyale kpwa ukosefu wa mvula au manena, au ivamiywe ni ndzije au makunyati, au ichikala aviha aho akaazangira kpwenye midzi yao yosi, au ichikala phana shaka rorosi, au ukongo wowosi wa kutisha,

Zaburi 124:7

Hukaponea dza nyama wa mapha kuponea na muhambo wa muindza. Muhambo ukavundzwa! Naswi hukatiya.

Zaburi 141:9

Nirinda na mihego achiyonihegera, niika kure na mihego ya atu ayi.

Zaburi 68:21

Mlungu andavundza vitswa vya maaduige, chirauni cha nyere cha hiye ahendaye mambo garigo ni kosa.

Zaburi 91:6

wala ukongo mui uzidio usiku, wala mafwa gahendekago dzuwa ngerengere.

Misemo 6:5

Phatsula upesi dza chiphala kula mikononi mwa muindza, dza nyama wa mapha aphatsulavyo agbwirwapho ni muhego.

Misemo 7:23

Kayamanya kukala kuphiyakpwe kundagarimu maishage, hadi moyowe uchilatswa na muvwi. Wakala dza nyama wa mapha ariyegbwa muhegoni.

Muhubiri 9:12

Mana mwanadamu kamanya wakatiwe undafika rini. Iye nkuphahwa ni wakati mui gafula dza ngʼonda agbwirwavyo ni nyavu na dza nyama a mapha agbwirwavyo ni mihambo.

Hosea 9:8

Iye nabii phamwenga na Mlungu wangu, ndiye mrindzi wa atu a Efuraimu. Ela akahegbwa dza nyama wa mapha chila njira atsupirayo, akamenwa hata kahi ya nyumba ya Mlunguwe.

Amosi 3:5

Dze, nyama wa mapha anaweza kugbwirwa ni muhambo urio photsi ichikala tauna chambo? Dze, muhambo unaweza kufyatuka bila ya kugbwira chitu?

1 Timothi 6:9

Ela atu aazao kukala matajiri mwishowe nkuinjira mashakani na kugbwirwa ni muhambo wa tamaa nyinji mbii za chipumbavu ambazo zinaabananga na kuangamiza.

2 Timothi 2:26

Kpwa njira iyo andaphaha kungʼalwa ni matso achimbire muhego wa Shetani, ambaye waagbwira na achiahenda alunge mipangoye.