Zaburi 90:16 - Digo Bible

¹⁶ Huonyese mahendogo, swiswi atumishio, aonyese ana ehu ngumayo.

Zaburi 90:16 ပူးပေါင်းရင်းမြစ်များ

Habakuki 3:2

Mwenyezi Mlungu nkasikira ngumayo, nami naogopha mahendogo. Gahende luphya uhu wakati wehu na gamanyikane siku zehu, usiyale kuhuonera mbazi hata ichikala ukahutsukirirwa.

Zaburi 44:1

Hukasikira na masikiro gehu, ee Mlungu, akare ehu ahusemurira mambo urigohenda wakati wao, pho kare.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Zaburi 92:4

Mana mahendogo uwe Mwenyezi Mlungu gakanihenda nihererwe, nindaimba na raha kpwa sababu ya kazi ya mikonoyo.

Zaburi 77:12

Nindaririkana kuhusu kazizo zosi, nindaririkana kuhusu mahendogo makulu.

Joshuwa 23:14

“Wakati wangu wa kufwinya matso kama irivyo kawaida ya atu osi duniani ukafika. Namwi mnamanya mwenu mioyoni na rohoni kukala takuna hata dzambo mwenga nono rokuahidini Mwenyezi Mlungu, Mlungu wenu ambaro kayarihenda.

Kumbukumbu 1:39

Halafu Mwenyezi Mlungu achihuambira swiswi hosi, “Nyo ana enu adide asiomanya manono wala mai murioamba kukala andahalwa mateka ni maadui genu, aho ndio ndioinjira nami nindaapha tsi iyo ikale yao.