Zaburi 9:6 - Digo Bible

⁶ Maadui gakaangamia hata kare na kare na midzi yao ukaibananga wala taphakasala chochosi cha kuhenda gatambukirwe.

Zaburi 9:6 ပူးပေါင်းရင်းမြစ်များ

2 Afalume 19:25

Dze, we kudzangbwesikira, kukala mimi ndimi yepanga dzambo hiri hangu kare? Nágapanga hangu kare na vivi ninagatimiza. Nápanga kukala ubomole midzi yenye ngome, ikale tsumbi za mawe na magandzo.

Ayubu 18:17

Takuna ndiye mtambukira duniani, na dzinare tarindahadzwa mo njira-njira.

Zaburi 34:16

Uso wa Mwenyezi Mlungu u chinyume cha ahendao mai, ili aahende asitambukirwe tsona duniani.

Zaburi 34:17

Atu a haki achimvoya Mwenyezi Mlungu nkuasikira na nkuativya na tabu zao zosi.

Zaburi 46:9

Nkukomesa viha duniani kosi, nkuvundza maha na mafumo, na kuocha ngao.

Zaburi 7:5

phahi mviha wangu naanizorese anigbwire, anivyoge-vyoge aniolage, na aniriche pho photsi!

Zaburi 8:2

Wafundza anache adide na atsanga kukulika, ili unyamaze avihao na atu alondao kudziriphiza.

Kutsama 14:13

Musa wajibu achiamba, “Msiogophe! Hurirani hu, namwi mundaona ambaro Mwenyezi Mlungu akaripanga kukutivyani vivi rero, Kpwa kukala aha Amisiri muaonao vivi rero, tamundaaona tsona.

Kutsama 15:16

Ao akagbwirwa ni wuoga na wasiwasi. Kpwa sababu ya ukulu wa nguvuzo anyemere zii dza dziwe, hadi atuo urioakombola atsupe, ee Mwenyezi Mlungu.

Isaya 14:17

Yuno ndiye ariyehenda dunia isale tuphu na midziye ikale magandzo? Dze, ndiye yerema kurichira matekae auye kpwao?’

Isaya 26:14

Aho afwa na taandafufuka tsona, mana uwe waangamiza kpwenye uamulio nao andayalwa tsetsetse.

Isaya 37:26

Dze, we kudzangbwesikira, kukala mimi ndimi yepanga dzambo hiri hangu kare? Nágapanga hangu kare na vivi ninagatimiza. Nápanga kukala ubomole midzi yenye ngome, ikale tsumbi za mawe na magandzo.

Jeremia 51:25

Lola, ni chinyumecho, uwe mwango wa kubananga ubanangaye dunia yosi, mimi Mwenyezi Mlungu nkaamba. Nindagolosa mkpwono wangu nikupige, nikupingilise kula gambani nami ndakuhenda mwango urioochwa.

Mika 7:10

Adui wangu ariyeniamba “Akuphi ye Mwenyezi Mlungu, Mlunguo?” Andaona higa na agbwirwe ni haya. Ndamuona na matso gangu ndivyogbwa, na kuvyogbwa-vyogbwa photsi dza tope njirani.

Mika 7:8

Usihererwe uwe adui wangu! Dzagbwe nkagbwa ndaunuka tsona, dzagbwe nsegere jizani, Mwenyezi Mlungu andakala mwanga wangu.

1 Akorintho 15:26

Adui wa mwisho kuangamizwa ni chifo.

Maono 20:2

Phahi ye malaika warigbwira ro dzoka, yani yuyatu nyoka wa kare aihwaye Ibilisi au Shetani, achirifunga silisili na achiritsupha kuzimu. Pho mryangoni achiphafunga kufuli na kuphatiya ukaka, ili asedze akachenga tsona atu a mataifa ganjina gosi duniani. Naye Shetani andafungbwa miaka elufu mwenga. Bada ya muda hinyo kusira, ni lazima avugulwe kpwa muda mchache tu.

1 Samueli 30:1

Siku ya hahu Daudi na atue afika Zikilagi. Ariphofika kuko achikuta Aamaleki akashambuliya Negebu na Zikilagi. Hinyo Aamaleki kala akaupiga mudzi wa Zikilagi na achiutiya moho.

1 Samueli 31:7

Aiziraeli asagalao uphande wanjina wa dete ra Jeziriili na hara ariosagala ngʼambo ya phiri ya muho Joridani, ariphoona jeshi ra Iziraeli rikachimbira na kukala Sauli na anae akafwa, aricha midzi yao nao achichimbira. Afilisti akpwedza achiiteka yo midzi, achisagala mumo.