Zaburi 9:14 - Digo Bible

¹⁴ ili niasimurire atu osi a Sayuni yani Jerusalemu mambo ganagohenda, nkutogole. Na nihererwe kpwa sababu ukanitivya.

Zaburi 9:14 ပူးပေါင်းရင်းမြစ်များ

Zaburi 106:2

Ni ani awezaye kusemurira mahendo makulu ga Mwenyezi Mlungu, au kutangaza sifwaze zosi?

Zaburi 13:5

Ela mino nakuluphira mendzwayo isiyosika, moyo wangu unahererwa kpwa sababu ya wokofuo.

Zaburi 20:5

Hundashangiliya hutakaphoturya na huimise bendera zehu kpwa dzina ra Mlungu wehu. Mwenyezi Mlungu naakujibu mavoyogo gosi!

Zaburi 21:1

Mfalume anahamirwa kpwa sababu ya nguvuzo, ee Mwenyezi Mlungu naye anashangiliya kpwa sababu ukamupha ushindi!

Zaburi 22:22

Nindatangaza dzinaro kpwa enehu, nindakutogola kahi-kahi ya mkpwutano wao.

Zaburi 22:25

Nindakutogola kpwenye mkpwutano mkpwulu. Nindausa naziri zangu mbere za aho anaokuogopha.

Zaburi 35:18

Ndipho nindakushukuru kahi za kusanyiko kulu ra atuo nindakutogola kahi ya borori kulu ra atu.

Zaburi 35:9

Ndipho nindahererwa mwangu moyoni kpwa sababu ya Mwenyezi Mlungu, ndashangiliya kpwa sababu akanitivya.

Zaburi 42:4

Mambo higa nagatambukira na kusononeka mwangu rohoni vira nrivyophiya na borori ra atu nchirilongoza kuphiya nyumba ya Mlungu kuno rinapiga njerejere na kumtogola, kpwenye ro borori ra atu ariphokala anasherekeya.

Zaburi 51:12

Niuyizira raha ya wokofuo, na uniphe roho ya kugbwira ulondago.

Zaburi 51:15

Ee Mwenyezi Mlungu, nihendesa nigombe, nami nindatangaza sifwazo.

Zaburi 6:3

Nayugika sana mwangu moyoni. Ee Mwenyezi Mlungu, usikae kuniphoza!

Zaburi 75:9

Ela mino nindahererwa hata kare na kare, nindamuimbira Mlungu wa Jakobo mawira ga kumtogola.

Zaburi 79:13

Halafu ndipho naswi atuo, mangʼondzi ugarisago, hundakulavira shukurani hata kare na kare, kula chivyazi chimwenga hadi chanjina hundakutogola siku zosi.

Kutsama 3:7

Chisha Mwenyezi Mlungu achiamba, “Kpwa kpweli nkaona kugaya kpwa atu angu hiko Misiri. Nkasikira chiriro chao kpwa sababu ya aimirizi aho anavyoagayisa, nami namanya mashaka gao.

Kutsama 3:9

Vivi nkasikira chiriro cha Aiziraeli na nkaona vira Amisiri aagayisavyo.

Isaya 12:3

Kpwa kuhererwa mundaheka madzi kula visima vya wokofu.

Isaya 37:22

riri ndiro neno arirogomba Mwenyezi Mlungu kumuhusu iye: ‘Ye mwanamwali wa Sayuni, anakubera na kukunyetera, Ye msichana wa Jerusalemu, anasukasuka chitswache nyumazo wakati unachimbira.

Isaya 62:11

Mwenyezi Mlungu andatangaza dunia yosi, “Aambire atu a Sayuni kukala, ‘Lolani, muokoli wenu aredza, aredza na zawadize na mariphoge.’ ”

Mika 4:13

“Unuka uwage, uwe mwana mchetu wa Sayuni mana pembeyo ndaihenda chuma; kpwatsazo ndazihenda shaba, undavundza-vundza mataifa manji.” Mapato gao haramu undagatenga kpwa ajili ya Mwenyezi Mlungu, hinyo utajiri wao undamupha Mlungu wa dunia yosi.

Habakuki 3:18

Bado nindahamirwa ni Mwenyezi Mlungu, kpwa kukala Mlungu ni muokoli wangu.

Luka 1:47

na inahererwa kpwa sababu ya Mlungu Muokoli wangu.

1 Samueli 2:1

Halafu Hana wavoya achiamba, Moyo wangu unamtogola Mwenyezi Mlungu, Mkpwotse wangu ukaimarishwa ni Mwenyezi Mlungu, Mromo wangu unaatseka aviha angu; Kpwa kukala nahamirwa ni wokofuwe;