Zaburi 79:3 - Digo Bible

³ Amwaga milatso yao dza madzi mo Jerusalemu, na taphakarire yeyesi wa kuazika.

Zaburi 79:3 ပူးပေါင်းရင်းမြစ်များ

Zaburi 141:7

Aho andaamba, “Dza viratu mutu arimavyo na kubumbundisa madongolowa, vivyo ndivyo mifupha yehu phenye mryango wa mbira.”

Zaburi 79:10

Kpwa utu wani mataifa ganjina gaambe, “Akuphi ye Mlungu wao?” Hebu riphiza mlatso wa atumishio na imanyikane wazi kpwa mataifa ganjina na mbere zehu!

Jeremia 14:16

Na nyo atu alavirwao unabii andabwagbwa mo barabara za Jerusalemu kpwa sababu ya ndzala na viha. Chisha taphandakala na mutu wa kuazika: nyo enye, achetu ao, ana aho alume na ana aho achetu. Mana ndaahenda ariphe kpwa sababu ya uyi wao.

Jeremia 15:3

“Mimi Mwenyezi Mlungu naamba, ‘Nindaaphirikira aina ne za abanangi. Ndaaphirikira upanga wa kuaolaga, madiya ambago gandaamwamula, nyama a mapha na nyama a tsakani ndioarya na kuaangamiza.

Jeremia 16:4

Aho andaolagbwa ni makongo mai. Taphana mutu ndiyeasononekera wala kuazika, aho andakala dza mavi pho dzulu ya tsi. Andaolagbwa na upanga na ndzala, na nyufu zao zindakala chakurya cha nyama a mapha na nyama a tsakani.

Jeremia 25:33

Ndioolagbwa ni Mwenyezi Mlungu wakati uho andaenea chila phatu duniani. Takuna ndiye asononekera, ndiyekusanya nyufu zao wala kuazika, andakala dza mavi chigogota chila phatu.

Jeremia 34:20

Nami ndaatiya mikononi mwa maadui gao alondao kuaolaga. Nyufu zao zindakala chakurya cha nyama a mapha na nyama a tsakani.

Zefania 1:17

“Nindaarehera mashaka atu aha chiasi cha kuahenda anyendeke kuno anaphaphasa dza vipofu, kpwa kukala anikosera mimi Mwenyezi Mlungu. Milatso yao indamwagbwa dza madzi na nyufu zao zindarichwa ziole.”

Mathayo 23:35

Kpwa hivyo mundatiywa adabu kpwa sababu ya atu osi arioolagbwa ariokala taana lawama, hangu chifo cha Abeli ambaye kayakala na lawama hadi Zakariya mwana wa Barakiya, ambaye mwamuolaga mbere za Nyumba ya Kuvoya Mlungu, kahi-kahi ya iyo nyumba na phatu pha kulavira sadaka.

Arumi 8:36

Higo nchigogomba ganagbwa sawa na Maandiko gaambavyo: “Kpwa ajiliyo hunaolagbwa chila siku kpwa kukuhumikira. Hunahendwa dza mangʼondzi ganagophirikpwa gakatsindzwe.”

Maono 11:9

Atu a tsi zosi na kabila na chila luga dunia ndzima andalola hizo nyufu za hara mashaidi airi siku tahu na nusu. Takuna mutu ndiyeruhusiwa kuazika hara mashaidi.

Maono 16:6

Mana atu ayi amwaga mlatso wa atakatifuo na manabiigo, nawe Bwana undaapha milatso anwe. Hivyo ndiyo adabu anayofwaha kuphaha.”

Maono 17:6

Chisha nchimuona ye mchetu akalewa kpwa kunwa milatso ya atakatifu a Mlungu; atu ambao aolagbwa kpwa sababu ya kushuhudiya kuhusu Jesu. Nami nriphomuona náangalala sana.

Maono 18:24

Mumo mudzini mwaonewa milatso ya manabii na atakatifu anjina a Mlungu, phamwenga na milatso ya atu osi arioolagbwa duniani.”