Zaburi 77:18 - Digo Bible

¹⁸ Msindo wa mngurumoo wasikirika kpwenye chikulukulu, limemero richingʼaza dunia, dunia ichisumba na ichikakama.

Zaburi 77:18 ပူးပေါင်းရင်းမြစ်များ

Zaburi 97:4

Limeme rilaro kpwakpwe nkungʼaza dunia, arizi nkuwoona ikasumba.

Maono 11:19

Alafu mryango wa kuinjirira Nyumba ya Kuvoya Mlungu wasendulwa, na Sanduku ra Chilagane kala ri mumo. Nchiona limeme na nchisikira mngurumo wa chiguruguru. Dunia yasumba na kuchikala na mvula ya mawe makulu ga barafu.

2 Samueli 22:14

Mwenyezi Mlungu wapiga msindo kula mlunguni, iye Ariye Dzulu Kuriko Vyosi wakota kululu.

Maono 20:11

Chisha náona Mlungu asegere chihiche chikulu tsona chereru. Mlunguni na tsi kuchiyaya mbereze na takuyaonekana tsona.

Maono 18:1

Mambo higo gariphosira, náunula matso nchiona malaika wanjina ariye na uwezo mkpwulu anatserera kula mlunguni. Naye kala anangʼala na hinyo mwangawe kala unaingʼarira dunia yosi.

Mathayo 28:2

Gafula tsi yasumba sana, mana malaika wa Mlungu watserera kula mlunguni, achedzapingilisa rira dziwe ra kubwiningizira mbira na achirisagarira.

Mathayo 27:51

Wakati hinyo-hinyo paziya ya Nyumba ya Kuvoya Mlungu yaahuka pande mbiri, kula dzulu hadi photsi. Tsi ndzima ichisumba, myamba ichiahuka,

Habakuki 3:4

Kungʼalwakpwe kala avi ni dzuwa. Panga mbiri za limeme zameka kula mwakpwe mkpwononi, ambamo ndimo arimofwitsa uwezowe.

Zaburi 104:7

Ela uriphogademurira, madzi higo gazola, gariphosikira kungurumako, gajera upesi.

Zaburi 18:7

Yo tsi yasumba na ichikakama, misingi ya myango ichisumba kpwa sababu Mlungu kala akatsukirwa.

2 Samueli 22:8

Yo tsi yasumba na ichikakama, misingi ya mlunguni ichisumba kpwa sababu Mlungu kala akatsukirwa.

Aamuli 5:4

“Uwe Mwenyezi Mlungu uriphotserera kula eneo ra Seiri, yani uriphotserera kula Edomu, tsi yasumba, na mlunguni kuchituluka madzi, yani maingu ko mlunguni gatuluza mvula.

Kutsama 19:18

Mwango Sinai kala ukabwiningizwa ni mosi, sababu Mwenyezi Mlungu kala akatserera dzuluye dza moho. Mosi wa moho hinyo wafuka kuphiya dzulu dza mosi wa iyi kulu sana na mwango wosi uchikakama kpwa nguvu.

Kutsama 19:16

Kuriphocha yo siku ya hahu kpwakala na chiguruguru na limeme, na ingu ziho richibwiningiza nyo mwango. Gunda richipigbwa kpwa raka ra dzulu sana hata atu osi pho kambini achikakama.

Zaburi 18:14

Watsupha miviye, achitsamula maaduige, waatsuphira limeme, achiachimbiza.

Zaburi 18:15

Ndipho mikondo ya madzi ichioneka na misingi ya dunia ichifwenulwa kpwa kudemurirwa ni uwe Mwenyezi Mlungu, kpwa pumuzi za pulayo.