Zaburi 74:1 - Digo Bible

¹ Ee Mlungu, mbona ukahutsupha kamare? Kpwa utu wani unatsukirirwa atuo, mangʼondzi ugarisago?

Zaburi 74:1 ပူးပေါင်းရင်းမြစ်များ

2 Afalume 21:14

Nami ndaatsupha hinyo atu a urisi wangu ariosala na kuatiya mikononi mwa maadui gao. Andafutwa vitu vyao na kutekpwa ni maadui gao gosi.

Zaburi 10:1

Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

Zaburi 100:3

Manyani kukala Mwenyezi Mlungu ndiye Mlungu. Ndiye ariyehuumba, naswi hu atue. Swiswi hu atue, atu aamanyirirao dza viratu mrisa amanyiriravyo mangʼondzige.

Zaburi 18:8

Mosi wafuka kula mwakpwe pulani, moho uochao uchituluka kula mwakpwe mromoni, makala ga moho gachituluka kula mumo.

Zaburi 42:11

Kpwa utu wani moyo wangu unasononeka? Kpwa utu wani nayugika mwangu moyoni? Mkuluphire Mlungu, mana nindamtogola tsona iye, muokoli wangu na Mlungu wangu.

Zaburi 42:9

Ndamuamba Mlungu, mwamba wangu, “Kpwa utu wani ukaniyala? Kpwa utu wani niangaike na sonono kpwa kuteswa ni adui?”

Zaburi 44:9

Ela uwe ukahuricha na ukahuhenda hushindwe ni maadui gehu, kuphiya na majeshi gehu tsona.

Zaburi 50:1

Mlungu mwenye nguvu, Mwenyezi Mlungu anagomba anaiha osi asagalao duniani kula mlairo wa dzuwa hadi mtswerero wa dzuwa.

Zaburi 60:1

Ee Mlungu, ukahurema na kuhuhenda hushindwe, ukahureyera, ela, galuka uhutiye nguvu tsona.

Zaburi 60:10

We Mlungu, ukahuricha tsetsetse? Uwe kuphiya tsona na majeshi gehu.

Zaburi 77:7

“Dze, Mwenyezi Mlungu akahurema hata kare na kare? Dze, kandakala razi naswi tsona?

Zaburi 77:8

Dze, mendzwaye isiyosika ikasira hata kare na kare? Dze, kandakamilisha ahadize tsona?

Zaburi 78:1

Phundzani mafundzo gangu, mwi atu angu, masikiro genu na gasikize maneno ga mromo wangu!

Zaburi 79:13

Halafu ndipho naswi atuo, mangʼondzi ugarisago, hundakulavira shukurani hata kare na kare, kula chivyazi chimwenga hadi chanjina hundakutogola siku zosi.

Zaburi 79:5

Ee Mwenyezi Mlungu, undatsukirwa hadi rini? Dze, undatsukirwa hata kare na kare? Dze, tsukizizo za wivu zindaaka dza moho hadi rini?

Zaburi 80:5

Ukahenda matsozi gakale chakurya chehu, na ukahunwesa matsozi bakuli tele.

Zaburi 85:6

Dze, kundahutiya nguvu tsona ili swiswi atuo, huhamirwe ni uwe?

Zaburi 95:7

Mana iye ndiye Mlungu wehu, naswi hu atue, mangʼondzige amanyirirago. Rero phundzani agombavyo,

Kutsama 32:11

Ela Musa wamlalamikira Mwenyezi Mlungu, Mlunguwe, na achiamba, “We Bwana, wahuokola kula Misiri na nguvu na uwezo mkpwulu. Kpwa utu wani ukatsukizwa ni atuo?

Isaya 64:8

Ela hata hivyo, uwe Mwenyezi Mlungu, ndiwe Baba yehu. Swiswi hu ulongo, uwe ndiwe mfinyangi, swiswi hosi hukazi ya mikonoyo.

Jeremia 23:1

Mwenyezi Mlungu anaamba, “Shaka hiro mwi arisa muangamizao na kutsamula mangʼondzi gangu!”

Jeremia 31:37

Mwenyezi Mlungu anaamba, kala ko dzulu mlunguni kungepimika, na yo misingi ya dunia ingeweza kuchunguzwa, phahi ningechitsupha kure chivyazi cha Iziraeli, kpwa gosi arigohenda, mimi Mwenyezi Mlungu nkaamba.”

Sonono za Jeremia 5:22

Ebu ukahurema tsetsetse? Dze, ukahutsukirirwa kpweli-kpweli?

Ezekieli 34:31

Namwi chaa changu, chaa cha marisa gangu, mu atu angu, nami ni Mlungu wenu, Mwenyezi Mlungu anaamba.’ ”

Ezekieli 34:8

Mwenyezi Mlungu anaamba: Kpwa kpweli dza niishivyo, kpwa kukala mangʼondzi na mbuzi zangu zikakala za kuindzwa na kuriwa ni nyama a tsakani, kpwa kukala tazina mrisa na kpwa kukala arisa angu taaziendzere wala kuzirisa, ela nyo adzirisa enye,

Luka 12:32

“Mwi afuasi angu mu chikundi chidide, ela msiogophe, mana Sowe Yenu Mlungu anaonato kukutawalani na kukurindani.

Kumbukumbu 29:20

Mwenyezi Mlungu kandaswamehe mutu hiye, na tsukizize na wivuwe vindamuakira mutu hiye. Lana zosi zoandikpwa kpwenye chitabu hichi zindamphaha, naye Mwenyezi Mlungu andafuta tsetsetse dzina ra mutu hiye duniani.