Zaburi 73:6 - Digo Bible

⁶ Kpwa hivyo kpwao kuhenda shobo ni dza kuvwala mkpwufu singoni na kuaonyesa ayawao ukatili ni dza nguwo za kuvwala.

Zaburi 73:6 ပူးပေါင်းရင်းမြစ်များ

Mwandzo 41:42

Farao wavula peheye ya chifalume yenye muhuriwe na achimvwika Yusufu. Piya wamupha kandzu nono, na achimvwika mkpwufu wa zahabu.

Esta 3:1

Bada ya mambo higa, mfalume Ahasuero wamkpweza cheo mtumishiwe mmwenga yeihwa Hamani mwana wa Hamedatha, wa chivyazi cha Agagi. Achimuhenda akale mkpwulu wa maofisaage gosi.

Zaburi 109:18

Wadzivwika lana avi ni koti, phahi lana nazimuinjire dza mutu anwavyo madzi, na nazimuinjire dza mafuha ga mwakpwe mifuphani.

Zaburi 109:29

Anaonishitaki naaphahe waibu waibu wao nauabwiningize dza mutu adzibwiningizavyo burangeti!

Misemo 1:9

Mana gago gandakala chiremba dza ishima phako chitswani, na mkpwufu phako singoni.

Misemo 3:31

Usimuonere wivu mutu wa fujo, wala usiige mwendowe.

Misemo 4:17

Mana uyi ndicho chakurya chao, na kuhumira nguvu ndio uchi wao.

Muhubiri 8:11

Uamuli wa mahendo mai isiphohendwa upesi, moyo wa mwanadamu undakala mairo kuhenda mai.

Wira wa Selemani 4:9

Mwenehu mchetu, wende wangu, moyo wangu ukaumala. Ukaumala kpwa kunilola limwenga tu, ukanimala kpwa mkpwufu mmwenga uchiovwala.

Isaya 3:19

vipuli, bangili, mitandiyo,

Jeremia 48:11

Hangu pho mwandzo, Moabu ikakala na amani, dza uchi uchiorichwa na siraye. Iye kakabiganywa kula mwiyo hadi wanjina, wala kadzangbwehalwa mateka. Kpwa hivyo mtswanowe uchere vivyo kula kare, na kunguye taidzangbwegaluka.

Jeremia 48:29

Hukasikira ko kudziunula kpwa Moabu, iye ana ngulu sana Hukasikira kuhusu kudzikudulakpwe, chiphuryeche na anavyodzilika mwakpwe moyoni.

Ezekieli 16:11

Nchikupamba na mapambo na kukuvwika bangili mwako mikononi na mkpwufu mwako singoni.

Danieli 4:30

iye waamba, “Uno si mudzi mkpwulu wa Babeli, ambao naudzenga kpwa nguvu zangu kpwa ajili ya nguma yangu ili ukale makalo gangu ga chifalume?”

Mika 3:5

Hivi ndivyo Mwenyezi Mlungu aambavyo, “Kuhusu manabii anaalongoza atu angu chimakosa, mutu achiapha chakurya, anatangaza, ‘Amani’ ela mutu asiphoapha anadzipanga kupigana nao.

Kumbukumbu 32:15

Ela mwi atu a Iziraeli mwanona, halafu mchimpiga teke Mwenyezi Mlungu. Mwatiya mwiri sana, muchikala vitibwatibwa na mchinyinyiha halafu mchimricha Mwenyezi Mlungu ariyekuumbani, mchibera Mwamba wa wokofu wenu.

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Aamuli 8:26

Uziho wa vyo vipuli vya zahabu wakala kilo kumi na tisiya na nusu, mbali na mapambo ganjina, mavwazi ga zambarau govwalwa ni nyo afalume a Midiani na mikufu yokala singoni mwa ngamia ao.