Zaburi 73:3 - Digo Bible

³ Mana kala naaonera wivu hinyo anaodzikarya niriphoona atu ayi anaongokerwa.

Zaburi 73:3 ပူးပေါင်းရင်းမြစ်များ

Ayubu 12:6

Makalo ga anyangʼanyi gana amani, na nyo amchokozao Mlungu a salama, aho atsukulao mlungu wao mwao mikononi.

Ayubu 17:8

Vivi atu a haki achiniona anaangalala, nyo asio na lawama anaona kukala námkosera Mlungu.

Ayubu 21:7

Mbona atu ayi anaishi, kufikira utumia na kukala enye uwezo?

Ayubu 24:23

Iye nkuahenda anaomuadamira akale salama, ela matsoge ganalola njira zao.

Zaburi 10:5

Aho nkuongokerwa na chila ahendaro taaelewa hukumu za mlungu. Aho nkunyetera maadui gao.

Zaburi 37:1

Usibabaishwe ni atu ayi, usionere wivu atu ahendao makosa.

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Misemo 23:17

Moyoo usiaonere wivu atu a dambi, ela chila mara henda chadi kumuogopha Mwenyezi Mlungu.

Misemo 24:1

Usiaonere wivu atu ayi, wala usikale na hamu ya kukala phamwenga nao.

Misemo 3:31

Usimuonere wivu mutu wa fujo, wala usiige mwendowe.

Muhubiri 7:15

Kahi ya maisha gangu gasigodumu, náona mambo higa: náona mutu wa haki anafwa mapema dzagbwe ana haki, na mutu mui anaishi maisha mare dzagbwe ni mui.

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Malaki 3:15

Sambi inaonekana kukala atu asiojali akabarikiwa. Atu ayi anaongokerwa na hata anaomjeza Mlungu, taahendeka rorosi.’”

Jakobo 4:5

Maandiko ganaamba, “Mlungu wamuhenda Rohowe aishi mwehu mioyoni naye anamendza hudzilavye kpwa Mlungu bahi.” Hebu mwi munaona tagana mana?