Zaburi 73:23 - Digo Bible

²³ Hata hivyo ni phamwenga nawe siku zosi, ee Mlungu! Uwe ukanigbwira mkpwono wangu wa kulume.

Zaburi 73:23 ပူးပေါင်းရင်းမြစ်များ

Mwandzo 17:1

Buramu ariphokala ana miaka mirongo tisiya na tisiya, Mwenyezi Mlungu wamtsembukira tsona na achimuamba, “Mimi ndimi Mlungu Mwenye Nguvu Zosi. Maishago niogopha na ukale bila ya lawama.

Zaburi 139:18

Ningegaolanga gangekala manji kuriko mtsanga. Nilamukapho bado ni phamwenga nawe.

Zaburi 16:8

Ninamanya kukala Mwenyezi Mlungu a phamwenga nami wakati wosi, kpwa kukala a phephi nami takuna chochosi ndichonihenda nikakame.

Zaburi 23:4

Hata nchitsupira kpwenye dete renye chilungulungu cha jiza, na hatari ya chifo, sindaogopha mai. Mana uwe u phamwenga nami, gongoro na ndatayo nkuniphoza marenda.

Zaburi 37:17

Mana nguvu ya ahendao mai indauswa ela Mwenyezi Mlungu andaroroma enye haki.

Zaburi 37:24

hata achikpwala kandagbwa mana Mwenyezi Mlungu andamgbwira mkpwono.

Zaburi 63:8

Nkagbwirana nawe ngingingi, na mkpwonoo wa kulume wenye nguvu unanirinda.

Isaya 41:10

Usiogophe, mana mimi ni phamwenga nawe, usihende wasiwasi mana mimi ndimi Mlunguo, nindakutiya nguvu na nkuterye ndakugbwira na mkpwono wa kulume wa haki yangu.

Isaya 41:13

Mana mimi Mwenyezi Mlungu, Mlunguo nindakugbwira mkpwonoo wa kulume na nkuambe, ‘Usiogophe, mimi nindakuterya.’

Isaya 42:1

Lola ye mtumishi wangu, nimlongozaye, nriyemtsambula, ambaye ananihamira, nikatiya Roho yangu ndaniye, naye andagaamula mataifa kpwa haki.

Mathayo 1:23

“Lola, mwanamwali andagbwira mimba, adzivugule mwana mlume, naye andamuiha Imanueli, yani Mlungu a phamwenga naswi.”

Mathayo 28:20

mkaafundze alunge chila chitu nrichokulagizani. Hakika nami ndakala phamwenga namwi siku zosi, hadi mwisho wa dunia.”

Aeburania 13:5

Msikale na ndzimo ya kumendza pesa, ela toshekani na hivyo murivyo navyo. Mana Mlungu waamba, “Sindakuricha wala sindakutsupha.”