Zaburi 71:9 - Digo Bible

⁹ Nchedza nchitsakala usinitsuphe, nchedza fikira wakati wa kukala sina nguvu usiniriche.

Zaburi 71:9 ပူးပေါင်းရင်းမြစ်များ

2 Samueli 19:35

Nina miaka mirongo minane rero. Hipha sambi siweza kutafwautisha garigo manono na mai kpwangu. Sisikira mtswano wa chochosi nryacho au ninwacho. Vivi siweza kusikira vinono sauti za aimbadzi. Simendze kukala mzigo kpwa bwana wangu mfalume.

Zaburi 71:18

Kpwa hivyo hata ndiphotsakala na kukala na komvwi, ee Mlungu, usiniriche, hadi vivyazi vyosi vyedzavyo nivitangazirwe nguvuzo.

Zaburi 73:26

Mwiri wangu na moyo wangu vinaweza kushindwa, ela Mlungu ndiye autiaye nguvu moyo wangu na ndiye mtalo wangu hata kare na kare.

Zaburi 90:10

Hunaweza kuishi miaka mirongo sabaa, au ichikala huna nguvu, miaka mirongo minane, ela yo minono nayo ni ya tabu na sonono, kano ikasira naswi tahupho tsona.

Isaya 46:4

Hata mkatsakala na kuhenda komvwi, ndimi ndiyekuroromani, nákuumbani nami ndakuroromani na kukutivyani.

2 Timothi 1:12

Ndiyo mana ninagaya, ela siona waibu. Mana nammanya hiye nriyemkuluphira, tsona nina hakika andarinda iyo habari nono ariyoniikira mwangu mikononi hadi siku iyo ya mwisho.

2 Timothi 4:18

Naye Bwana andanitivya na chila hendo ra uyi, na anitsukule salama hadi mlunguni kusagala na atue. Mlungu naatogolwe hata kare na kare. Amina.