Zaburi 7:6 - Digo Bible

⁶ Unuka na tsukizizo ee Mwenyezi Mlungu! Unuka chinyume cha usiru wa maadui gangu. Lamuka, ee Mlungu wangu, mana walagiza haki ihendeke.

Zaburi 7:6 ပူးပေါင်းရင်းမြစ်များ

2 Samueli 17:14

Naye Abusalomu na atu osi a Iziraeli achiamba, “Ushauri wa Hushai ni mnono kuriko ushauri wa Ahithofeli.” Kpwa mana Mwenyezi Mlungu kala wakusudiya kurivundza shauri nono ra Ahithofeli ili amrehere Abusalomu mashaka.

Zaburi 103:6

Mwenyezi Mlungu ndiye ahendaye mahendo ga haki na nkuahendera haki osi aonerwao.

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Zaburi 138:7

Hata ntsupirapho shida, uwe unanirinda. Unagolosa mkpwonoo dzulu ya maadui gangu achionitsukirirwa, na unanitivya kuhumira mkpwonoo wa kulume.

Zaburi 143:3

Mana adui ananilunga-lunga, akanivundza-vundza mtsangani, akanihenda nisagale jizani dza mutu yefwa hangu kare.

Zaburi 3:7

Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

Zaburi 35:1

Ee Mwenyezi Mlungu, apinge hinyo anipingao, pigana nao aho anaopigana nami.

Zaburi 35:23

Unuka unikanire, Nihehera, ee Mwenyezi Mlungu, Mlungu wangu.

Zaburi 44:23

Lamuka ee Mwenyezi Mlungu, mbona urere? Lamuka! Usihutsuphe hata kare na kare.

Zaburi 44:26

Unuka, wedze uhuterye! Hukombole kpwa sababu ya mendzwayo isiyosika!

Zaburi 59:5

Uwe Mwenyezi Mlungu, Mlungu wa majeshi ndiwe Mlungu wa Iziraeli. Unuka utiye adabu atu a mataifa, usiriche hata mmwenga wa hinyo apangao mai.

Zaburi 73:20

Uwe uchiunuka, ee Mwenyezi Mlungu nyo nkuyaya mara mwenga dza ndoso iyayavyo mutu achilamuka kula usingizini.

Zaburi 74:3

Tsupa kahi za magandzo gaga ga hangu kare, adui akabananga chila chitu kpwenye nyumba ya kuvoya Mlungu.

Zaburi 78:65

Halafu Mwenyezi Mlungu walamuka dza alaye usingizini, dza mutu jasiri achiyechangamshwa ni uchi.

Isaya 3:13

Mwenyezi Mlungu aimire ili kulumba laure, a tayari kuamula atue.

Isaya 33:10

Ela Mwenyezi Mlungu anaamba, “Nindahenda chitu ili nitogolwe sana.

Isaya 37:20

Sambi, uwe Mwenyezi Mlungu, Mlungu wehu, hutivye kula mwakpwe mikononi, ili falume zosi duniani zimanye kukala uwe macheyo ndiwe Mwenyezi Mlungu.”

Isaya 51:9

Lamuka, uwe Mwenyezi Mlungu uhuterye. Humira uwezoo uhuokole, uuhumire dza urivyouhumira pho kare. Dze, siwe uriyekata ro dzoka ra Naili riihwaro Rahabu?