Zaburi 69:27 - Digo Bible

²⁷ Atiye adabu kpwa sababu ya chila uyi wao usiaswamehe bii.

Zaburi 69:27 ပူးပေါင်းရင်းမြစ်များ

Nehemia 4:5

Usigafute wala kugafwinika makosa gao mberezo, mana akalaphiza adzengadzi.”

Ayubu 19:22

Mbona munanigayisa dza vyo Mlungu anigayisavyo? Kpwa utu wani tamtosheka na mwiri wangu?

Zaburi 109:14

Mwenyezi Mlungu naatambukire uyi wa akaree dambi ya nine naisifutwe!

Zaburi 24:5

Mutu iye andaphokera baraka kula kpwa Mwenyezi Mlungu na uamuli wa haki kula kpwa Mlungu ariyemtivya.

Zaburi 81:12

Kpwa hivyo nchiarichira alunge mioyo yao mifu, alunge mashauri gao enye.

Kutsama 8:15

Ela Farao ariphoona takuna magula, wauya tsona kukala na moyo mufu, achirema maneno ga Musa na Aruni, dza Mwenyezi Mlungu arivyokala akagomba.

Kutsama 8:32

Ela phapho piya Farao wahenda moyo mufu na kayaaricha Aiziraeli auke.

Kutsama 9:12

Ela Mwenyezi Mlungu wamtiya Farao moyo mufu na achirema kuphundza Musa na Aruni, dza vyo Mwenyezi Mlungu kala akamuambira Musa.

Isaya 26:10

Dzagbwe ayi akaonerwa mbazi, taadzifundza kuishi na haki hata kahi za tsi ya atu a haki nyo nkpwenderera kuhenda mai, na taaona nguma ya Mwenyezi Mlungu.

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.

Isaya 53:4

Kpwa kpweli iye wahala makongo gehu, na kutsukula kulumira kpwehu, ela huchiona anatiywa adabu na kugayiswa ni Mlungu.

Alawi 26:39

Hara ndiosala kahi yenu, andasirirwa ni mkpwotse kpwenye tsi ya maadui genu kpwa sababu ya dambi zao na za akare ao.

Mathayo 21:19

Waona muhi uihwao mtini kanda-kanda ya njira, achiaphuka kpwendalola tini, ela kayakuta chochosi ela makodza mahuphu. Alafu waulani hura muhi achiamba, “Kundavyala tsona bii!” Na phapho hipho hinyo muhi wanyala uchiuma.

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

Arumi 9:18

Kpwa hivyo ni wazi kala Mlungu nkumuonera mbazi mutu yeyesi ammendzaye, na kumuhenda chisoto yeyesi alondaye.

Arumi 9:31

Piya manage ni, Aiziraeli ambao ahenda chadi kulunga Shariya ili aphahe haki, taayaiphaha.

2 Timothi 4:14

Yuya fundi wa vyuma aihwaye Isikanda, wanihendera vibaya sana. Bwana andamripha kpwa gara arigonihendera.