Zaburi 68:8 - Digo Bible

⁸ tsi yasumba, na mlunguni kuchireha mvula, kpwa sababu ya kpwedzako Mlungu wa Sinai, kpwedzako uwe Mlungu wa Iziraeli.

Zaburi 68:8 ပူးပေါင်းရင်းမြစ်များ

Zaburi 114:7

Kakama mbere za Mwenyezi Mlungu, uwe dunia, kakama mbere za Mlungu wa Jakobo,

Zaburi 41:13

Naatogolwe Mwenyezi Mlungu, Mlungu wa Iziraeli, hangu kare na kare! Amina na Amina.

Zaburi 68:35

Mlungu anaogofya hipho phatuphe phatakatifu, Mlungu wa Iziraeli nkuapha atue uwezo na nguvu. Mlungu naatogolwe!

Zaburi 77:18

Msindo wa mngurumoo wasikirika kpwenye chikulukulu, limemero richingʼaza dunia, dunia ichisumba na ichikakama.

Kutsama 13:18

Phahi Mlungu waalongoza na njira ya kuzunguluka ya kutsupira jangbwani, kuphiya uphande wa Bahari ya Shamu. Chisha Aiziraeli atuluka Misiri kuno akagbwiririra silaha tayari kpwa viha.

Kutsama 19:16

Kuriphocha yo siku ya hahu kpwakala na chiguruguru na limeme, na ingu ziho richibwiningiza nyo mwango. Gunda richipigbwa kpwa raka ra dzulu sana hata atu osi pho kambini achikakama.

Kutsama 19:18

Mwango Sinai kala ukabwiningizwa ni mosi, sababu Mwenyezi Mlungu kala akatserera dzuluye dza moho. Mosi wa moho hinyo wafuka kuphiya dzulu dza mosi wa iyi kulu sana na mwango wosi uchikakama kpwa nguvu.

Isaya 45:3

Nindakupha hazina zofwitswa jizani, na mali zirizofwitswa phatu pha siri, ili umanye kukala mimi, ndimi Mwenyezi Mlungu, Mlungu wa Iziraeli nikuihaye na dzinaro.

Isaya 64:1

Kalapho ungekpwanyula ko mlunguni na kutserera, myango ingesumba mberezo.

Isaya 64:3

Mana uriphohenda mambo ga kutisha, ambago tahumanyire kukala gandahendeka, uwe watserera na myango ichisumba mberezo.

Habakuki 3:13

Watuluka kpwendativya atuo yani uchendaaokola urioatsambula. Uchimpiga chilongozi wa atu ayi, uchimvula nguwo kula chitswani hadi lwayoni.

Aeburania 12:26

Wakati hinyo, Mlungu ariphogomba, sautiye yasumbisa dunia. Ela vivi walaga achiamba, “Ndasumbisa dunia tsona, ela safari ihi sindasumbisa dunia macheye, ndasumbisa hata ko mlunguni.”

Maono 11:19

Alafu mryango wa kuinjirira Nyumba ya Kuvoya Mlungu wasendulwa, na Sanduku ra Chilagane kala ri mumo. Nchiona limeme na nchisikira mngurumo wa chiguruguru. Dunia yasumba na kuchikala na mvula ya mawe makulu ga barafu.

Aamuli 4:14

Hipho Debora wamuamba Baraka, “Unuka! Mwenyezi Mlungu akakutanguliya, siku ya rero Mwenyezi Mlungu akamtiya Sisera mwako mikononi.” Phahi Baraka walongoza jeshire ra atu elufu kumi achiteremuka kula mwango wa Tabori.