Zaburi 68:30 - Digo Bible

³⁰ Ademurire hinyo nyama asagalao Ziyani, kundi ra ndzau na ndama. Avyoge-vyoge hinyo ario na chere ya kodi, atsamule hinyo atu anaohamirwa ni viha.

Zaburi 68:30 ပူးပေါင်းရင်းမြစ်များ

2 Nyakati 9:14

Hino ni kanda na hira kodi iriyoriphiwa ni achuuzi na atu a bishara. Afalume osi a Warabuni na maliwali a yo tsi amrehera Selemani zahabu na feza.

2 Nyakati 9:24

Mwaka bada ya mwaka, chila ariyekpwedza wamrehera zawadi nyinji; vitu vya feza na zahabu, piya nguwo, silaha, vilungo, farasi na nyumbu.

Ayubu 40:21

Nkudzilaza tsini ya migunga, mihi ya miya, achifwitswa ni miduga mo matopeni.

Zaburi 120:7

Mino ni mutu wa amani, ela nchigomba kuhusu amani nyo nkulonda viha.

Zaburi 18:44

Ariphosikira habari zangu tu, nyo ajeni anitii, achedza na achidzitsereza mbere zangu.

Zaburi 2:12

Msujudiyeni, sedze akatsukirwa, namwi mkafwa kabila ya wakati, mana tsukizi za Mlungu ni za phephi. Ela atu amchimbirirao Mlungu, aajaliwa.

Zaburi 72:10

Afalume a Tarishishi na a visuwa andareha kodi, afalume a Sheba na Seba andamrehera zawadi.

Zaburi 89:10

Uwe watisatisa dzoka ra baharini riihwaro Rahabu uchiriolaga unagatsamula kpwa mkpwono wa nguvu.

Isaya 34:7

Nyahi andatsindzwa phamwenga nao, ana ndewa phamwenga na ndzau a mkpwotse. Tsi yao indalwama milatso na mitsanga yao indaodzala mafuha gao.

Jeremia 50:11

Dzagbwe munafwahirwa na kuhererwa, mwi muhalao vitu vya atu angu zewe, dzagbwe munatona dza ndama ichiyoona nyasi, na kurira dza farasi mwenye mkpwotse.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Zakariya 8:22

Atu anji kula mataifa ganjina ga nguvu andakpwedza amuendze Mwenyezi Mlungu, Mlungu wa majeshi ko Jerusalemu na avoye aaonere mbazi.”

Arumi 7:22

Shariya za Mlungu zinanihamira sana mwangu moyoni.

Jakobo 4:1

Ni utu wani ambao unakuhendani mhehe na kupigana? Ni tamaa mbaya ambazo zinapingana mwenu mioyoni.