Zaburi 68:13 - Digo Bible

¹³ Dzagbwe asala mwao vyaani, vizuka vya njiya vyotengezwa na feza, na mapha gao ganangʼala dza zahabu.

Zaburi 68:13 ပူးပေါင်းရင်းမြစ်များ

Mwandzo 49:14

Isakari u dza punda mwenye mkpwotse, achiyedziambalaza kahi-kahi ya mizigo.

2 Afalume 7:16

Phahi atu a Samariya atuluka achendahala vitu kula kpwenye kambi ya Aaramu. Kama vira Mwenyezi Mlungu arivyogomba, kilo tahu za unga mnono wa nganu zichigulwa kpwa chipande chimwenga cha feza, na kilo sita za shayiri kpwa chipande chimwenga cha feza.

Zaburi 105:37

Ndipho achiatuluza Aiziraeli kula tsi hira kuno akatsukula feza na zahabu, wala taphana hata mmwenga wao ariyekpwala.

Zaburi 149:4

Mana Mwenyezi Mlungu nkuhamirwa ni atue, naye nkuapha anyenyekevu ushindi.

Zaburi 74:19

Usiriche uzima wa njiyao, kpwa nyama a tsakani, usiyale maisha ga aonerwao, hata kare na kare.

Zaburi 81:6

Nákuhulani mizigo kula mwenu mafuzini, nchikuoyeza yo kaphu ndziho yokala mwako mikononi.

Kutsama 1:14

Ahenda maisha gao gakale ga kugaya sana kpwa kazi ngumu dza kutengeza chokaa na kutengeza matofali, chisha ahenda kazi zosi za mindani. Kazi hizi arizohenda ahendeswa chisiru.

Isaya 33:23

Kowa zenu zikarejera, taziweza kudinisa mlingoti, ama kubumula tangare. Chisha zewe nyinji zindaganywa, hata virema piya aphahe.

Isabu 31:27

Viganyeni kano mbiri, seemu ya kpwandza muiphe go majeshi garigophiya vihani na seemu ya phiri muiphe nyo atu anjina osi.

Luka 15:16

Waaza kurya chakurya chokala anarisa nguluwe, ela takuna mutu yeyesi yemupha chitu.

Luka 15:22

Ela ise achiaambira ahendadzi-kazie, ‘Upesi kahaleni kandzu nono mumvwike, piya muhale pete na virahu mumvwike.

1 Akorintho 12:2

Mnamanya phokala tamdzangbwemanya Mlungu, mwalongozwa makosa kpwa kuabudu vizuka ambavyo tavina uhai wala uwezo wa kugomba.

Tito 3:3

Mana kare swiswi hwakala azuzu, asiosikira na ariochengbwa. Hwakala atumwa a tamaa mbii-mbii na anasa za chila aina, hwaishi maisha mai ga wivu; atu ahureyera naswi huchiareyera.

Joshuwa 10:16

Hara afalume atsano achimbira achendadzifwitsa pangoni hiko Makeda.

Aamuli 5:16

Kpwa utu wani mwasala kpwenye vyaa vya mangʼondzi? Ili kuphundza chigophi cha kuihira mangʼondzi? Kahi ya atu a mbari ya Rubini mwakalamo kusita-sita kunji.

Aamuli 5:19

Afalume akpwedza achipigana, afalume a Kanani apigana naswi, hiko Taanaki phephi na visima vya Megido, ela taayaphaha zewe ra feza.