Zaburi 65:11 - Digo Bible

¹¹ Una hujaliya na mavuno manono wakati wa mwaka. Chila utsapirapho pha tele vitu vinono.

Zaburi 65:11 ပူးပေါင်းရင်းမြစ်များ

Ayubu 36:28

Nkuhenda maingu garehe mvula, na ikaapiga atu kpwa unji.

Ayubu 5:10

Iye ndiye ahendaye tsi ikaphaha mvula, na ahendaye madzi gakafika mindani.

Zaburi 103:4

Ndiye anikombolaye na mbira, tsona ndiye anionyesaye mendzwaye isiyosika na kunionera mbazi.

Zaburi 104:13

Ukuhuma mvula kula mlunguni ikanya dzulu ya myango, nayo tsi ikatosheka na matunda ga kaziyo.

Zaburi 104:3

na unasagala kuko. Maingu ukugahenda gariyo ya kuvwehwa ni farasi, na ukupanda dzulu ya phuto.

Zaburi 25:10

Njira zosi za Mwenyezi Mlungu ni za mendzwa isiyosika na uaminifu kpwa hinyo agbwirao chilaganeche na malagizoge.

Zaburi 36:8

Ukuamvunisa na unji wa vitu vya mwako nyumbani na kuanwesa kula muho wa manono urigo nago.

Zaburi 5:12

Mana kpwa kpweli uwe Mwenyezi Mlungu ukujaliya enye haki; na mendzwayo nkuarinda dza ngao.

Zaburi 68:10

Atuo achiphaha makalo gao mumo, katika uzurio, ee Mlungu, uchiashuulikiya achiya.

Misemo 14:18

Azuzu avwikpwa ujinga, ela atu a achili avwikpwa chiremba cha marifwa.

Joeli 2:14

Ni ani amanyaye? Iye anaweza kugaluza nia na akakuonerani mbazi na akakujaliyani na mavuno hata mkaweza kumlavira Mwenyezi Mlungu, Mlungu wenu, sadaka za mtsere na za uchi wa zabibu.

Hagai 2:19

Kama mmanyavyo himo chitsagani tamuna mbeyu na mizabibu, mikuyu, mikomamanga na mizaituni taidzangbwevyala matunda. Ela kula rero nindakujaliyani.”

Malaki 3:10

Rehani kamili fungu ra kumi kpwenye nyumba yangu ya kuikira akiba ili mwangu nyumbani mkale na chakurya.” Mwenyezi Mlungu, Mlungu wa majeshi anaamba, “Ni jezani kpwa njira hino phahi mlole ichikala sindakuvugurirani madirisha ga mlunguni na kuamwagira baraka, hadi mkose phatu pha kuziika.”

Arumi 11:17

Uwe u dza panda ya mzaituni wa tsakani yogbwizanywa na hinyo mzaituni mtakatifu. Phahi unaphaha fwaida ya mizi minono ya hinyo mzaituni mtakatifu. Ela ichikala panda zanjina zakatwa,

Kumbukumbu 11:12

Piya ni tsi ambayo Mwenyezi Mlungu, Mlungu wenu, anaijali. Mwenyezi Mlungu, Mlungu wenu anailola na kuimanyirira siku zosi hangu mwandzo hadi mwisho wa mwaka.