Zaburi 64:5 - Digo Bible

⁵ Hinyo nkugbwirana katika nia zao mbii, nkubisha kuhusu vira ndivyofwitsa mihego yao, kuno anaaza, “Ni ani ahuonaye?

Zaburi 64:5 ပူးပေါင်းရင်းမြစ်များ

Mwandzo 20:13

Mlungu ariphonihenda nituluke nyumbani mwa baba, namuamba Sara, ‘Hivi ndivyo ambavyo undanionyesa mendzwayo, kukala chila phatu ndiphophiya, amba mimi ni mwenenu.’ ”

Ayubu 22:13

Ela we ukuamba, ‘Mlungu anamanya utu wani? Dze, anaweza kuamula kahi ya chilungulungu cha jiza?

Zaburi 10:11

Mui nkudziambira mwakpwe rohoni, “Mlungu akayala akaloza usowe kanda, kaona chitu.

Zaburi 124:7

Hukaponea dza nyama wa mapha kuponea na muhambo wa muindza. Muhambo ukavundzwa! Naswi hukatiya.

Zaburi 140:5

Atu a kudzikarya akanihegera mihego akanihegera chimia na kowa akanihegera mihego mwangu njirani.

Zaburi 59:7

Lola, analaphiza kpweli-kpweli maneno gao avi ni panga kali enye anaona taphana anayesikira.

Zaburi 94:7

Nao anaamba, “Mwenyezi Mlungu kaona, Mlungu wa Jakobo kamanya.”

Kutsama 15:9

Adui wadzikarya achiamba, ‘Nindaalunga-lunga na nindaagbwira, ndaafuta vitu vyao niviganye zewe na niahende nilondavyo; nindatsomola upanga wangu na mkpwono wangu undaangamiza.’

Isaya 41:6

Chila mutu anaterya myawe, chila mutu anamuambira nduguye “Dzitiye moyo!”

Ezekieli 8:12

Chisha achiniamba, “Mwanadamu, ukaaona nyo atumia a Aiziraeli chivyokala anahenda pho jizani, chila mmwenga kpwenye chumbache cha vizuka? Aho anaamba, ‘Mwenyezi Mlungu kahuona, ihi tsi akairicha.’ ”

Isabu 22:6

Phahi ninakuvoya wedze unilanire atu aha mana akanizidi mkpwotse, mendzerepho nindaweza kuaturya na kuazoresa kula kahi ya tsi yangu, mana ninamanya kukala yeyesi ndiyemʼbariki andabarikiwa, na yeyesi ndiyemlani andalaniwa.”

Mathayo 23:15

“Shaka rani ro, mwi alimu a Shariya na Mafarisayo, anafiki mwi! Mkuhenda vyaro vya baharini na tsi za kure ili mphahe mutu mmwenga alunge dini yenu. Ela mchimphaha, mukumuhenda akale mui zaidi na kuinjirakpwe mohoni kukale kano mbiri ya mwimwi enye.

Maono 11:10

Kpwa sababu ya aho mashaidi kufwa, atu osi duniani andahererwa na ahende karamu na kuphana zawadi. Andahenda hivi mana hara mashaidi ayuga sana atu asiomkuluphira Mlungu himu duniani.

Aamuli 20:22

Ela Aiziraeli aphiya kura kala kuchivoywa, achendaririra Mwenyezi Mlungu hadi dzuwa richitswa nao achiamba, “Dze! Huphiye tsona hukapigane na Aiziraeli ayawehu, atu a mbari ya Benjamini?” Naye Mwenyezi Mlungu achiamba, “Phiyani mkpwapigane nao.” Aiziraeli ainjira moyo, achidzipanga kupigana na atu a Benjamini pho ariphodzipanga siku ya kpwandza.