Zaburi 62:1 - Digo Bible

¹ Nkahurira, namgodza Mlungu bahi, wokofu wangu ula kpwakpwe.

Zaburi 62:1 ပူးပေါင်းရင်းမြစ်များ

1 Nyakati 25:1

Daudi phamwenga na akulu a jeshi atanya ana anjina a Asafu, a Hemani na a Jeduthuni akale achitabiri kuno anapiga ngephephe, vinubi na matoazi. Higa ndigo madzina ga atu ambao ahenda kazi hiyo:

1 Nyakati 25:3

Jeduthuni wakala na ana sita ambao ni Gedalia, Seri, Jeshaya, Shimei, Hashabia na Matithia. Nao akala tsini ya ulongozi wa ise yao Jeduthuni, ambaye watabiri kpwa kuhumira ngephephe, wakati osi anamshukuru na kumtogola Mwenyezi Mlungu.

Zaburi 121:2

Msada wangu ula kpwa Mwenyezi Mlungu, ariyeumba mlunguni na tsi.

Zaburi 123:2

Lola, dza viratu ahendadzi-kazi akuluphiravyo matajiri gao, dza viratu muhendadzi-kazi mchetu akuluphiravyo tajiriwe mchetu, ndivyo swiswi hunavyokukuluphira uwe Mwenyezi Mlungu, Mlungu wehu, hadi ndiphohuonera mbazi.

Zaburi 25:5

Nilongoza katika kpweliyo na unifundze mana uwe u Mlungu muokoli wangu, nakukuluphira uwe mutsi wosi.

Zaburi 27:14

Mkuluphire Mwenyezi Mlungu. Dina chilume, wala usivundzike moyo. Mkuluphire Mwenyezi Mlungu!

Zaburi 33:20

Mioyo yehu inamkuluphira Mwenyezi Mlungu, iye ndiye msada wehu na ngao yehu.

Zaburi 37:39

Wokofu wa enye haki ni Mwenyezi Mlungu, iye ndiye chimbiriro rao wakati wa shida.

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Zaburi 39:1

Mimi náamba: “Nindamanyirira njira zangu, sedze nikahenda dambi kpwa maneno nigombago. Sindagomba chitu napho atu ayi a phephi nami.”

Zaburi 40:1

Nágodza Mwenyezi Mlungu aniterye kpwa kuvumirira naye achiniphundza na achisikira chiriro changu.

Zaburi 62:2

Iye ndiye mwamba wangu na wokofu wangu, ngome yangu, sindakakamiswa ni utu.

Zaburi 65:1

Unafwaha kutogolwa hiko Sayuni, ee Mlungu, atu andakutimizira naziri zao.

Zaburi 77:1

Námririra Mlungu kpwa sauti ili aniterye. Námririra Mlungu kpwa sauti ili aniphundze.

Isaya 12:2

Kpwa kpweli Mlungu ndiye muokoli wangu, ndamkuluphira wala sindaogopha. Mwenyezi Mlungu ndiye nguvu zangu na wira wangu, iye akakala wokofu wangu.”

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Jeremia 3:23

Kpwa kpweli hukachengeka sana kuabudu hiko myangoni. Kpwa kpweli wokofu wa Iziraeli ula kpwa Mwenyezi Mlungu, Mlungu wehu.’

Sonono za Jeremia 3:25

Mwenyezi Mlungu ni mnono kpwa nyo amgodzerao, na nyo amuendzao.

Sonono za Jeremia 3:38

Manono na mai nkuhendeka tu kpwa amuri ya ye Ariye Dzulu Kuriko Vyosi.

Jakobo 5:7

Phahi enehu, vumirirani hadi Bwana Jesu ndiphouya. Hebu lola mkurima agodzeravyo mimea ya mwakpwe mundani hadi ndiphovyala mavuno ga samani! Tsona nkuvumirira kugodza mvula ya vuri na mwaka.