Zaburi 61:8 - Digo Bible

⁸ Kpwa hivyo nindaimba mawira ga kukutogola, kuno nausa naziri zangu siku bada ya siku.

Zaburi 61:8 ပူးပေါင်းရင်းမြစ်များ

2 Samueli 15:20

Wahendakpwedza dzuzi-dzuzi tu, kpwa utu wani vino nikutangishe hiku na hiku nami mwenye hipha simanya mphiyako? Uwe uya na ro jeshiro kula Gathi. Naye Mwenyezi Mlungu naakuonere mendzwaye isiyosika na akale muaminifu kpwako.”

Zaburi 146:2

Nindamtogola Mwenyezi Mlungu, maisha gangu gosi. Ndamuimbira sifwa Mlungu wangu muda wosi nrio moyo.

Zaburi 30:12

ili nikutogole mwangu moyoni na nisinyamale. Ee Mwenyezi Mlungu, Mlungu wangu ndakushukuru hata kare na kare.

Zaburi 40:12

Mana nkazungulukpwa ni mashaka gasigoolangika, dambi zangu zikanizidi ni nyinji kuriko isabu ya nyere zangu, nami nkavundzika moyo.

Zaburi 65:1

Unafwaha kutogolwa hiko Sayuni, ee Mlungu, atu andakutimizira naziri zao.

Zaburi 71:22

Piya nindakutogola na ngephephe kpwa sababu ya uaminifuo, ee Mlungu wangu. Nindaimba mawira ga kukutogola na zeze uwe Mtakatifu wa Iziraeli.

Zaburi 79:13

Halafu ndipho naswi atuo, mangʼondzi ugarisago, hundakulavira shukurani hata kare na kare, kula chivyazi chimwenga hadi chanjina hundakutogola siku zosi.

Zaburi 89:5

Mlunguni nakutogole maajabugo, ee Mwenyezi Mlungu, uaminifuo nautogolwe kahi za mikutano ya atakatifu.