Zaburi 60:6 - Digo Bible

⁶ Mlungu akagomba kula phatuphe phatakatifu, “Kpwa kuhamirwa ndaganya Shekemu, na nipime Dete ra Sukothi.

Zaburi 60:6 ပူးပေါင်းရင်းမြစ်များ

Mwandzo 12:6

Buramu watsupira kahi-kahi ya yo tsi hadi achifika Shekemu, phatu phokala na muhi wa mwaloni urio More. Siku zizo Akanani kala anasagala tsi iyo.

2 Samueli 3:18

Sambi hendani hivyo mana Mwenyezi Mlungu wamuahidi Daudi achiamba, ‘Kpwa mkpwono wa mtumishi wangu Daudi, ndaativya atu angu Iziraeli kula kpwa mikono ya Afilisti, na kula kpwa mikono ya aviha aho anjina osi.’ ”

Zaburi 119:162

Ninahamirwa ni nenoro, dza mutu achiyeteka mali nyinji.

Zaburi 132:11

Mwenyezi Mlungu wamuapira Daudi chirapho cha uhakika ambacho ni achitimize, “Nindaika mmwenga wa chivyazicho mwenye, kpwenye chihicho cha endzi.

Zaburi 56:4

Namkuluphira Mlungu ambaye nenore naritogola, namkuluphira Mlungu bila wuoga. Kpwani mwanadamu andanihendani?

Zaburi 89:19

Hipho kare wagomba katika ruwiya na mtumishio muaminifu, uchiamba, “Nkamupha nguvu sujaa mmwenga, Nkamupha cheo cha dzulu mmwenga ariyetsambulwa kahi za atu.

Zaburi 89:35

Nkaapa limwenga tu, ra kpwandza na ra mwisho kpwa sababu ya utakatifu wangu sindamuambira handzo Daudi.

Jeremia 23:9

Kuhusu nyo manabii, Nikavundzika moyo, mifupha yangu inakakama; ni dza mlevi dza mutu achiyelewa chapa, kpwa sababu ya Mwenyezi Mlungu na kpwa sababu ya nenore ni takatifu.

Amosi 4:2

Mwenyezi Mlungu akaapa kpwa utakatifuwe kuamba, “Kpwa kpweli siku ziredza, mndiphogurutwa na viloo, hata ye wa mwisho andagbwirwa na viloo vya kulowera ngʼonda.

Joshuwa 1:6

Dina chilume na ukale jasiri, mana uwe ndiwe ndiyelongoza hano atu kurisi tsi ihi ambayo naalaga akare aho kukala nindaapha.

Joshuwa 13:27

Tsi yao yatsanganya midzi ya deteni, ambayo ni Bethi-Haramu, Bethi-Nimura, Sukothi na Zafoni na tsi yosi yokala ya mfalume Sihoni wa Heshiboni; eneo hiro rakala uphande wa mlairo wa dzuwa wa muho Joridani na kuphakana na bahari ya Kinerethi kpwa uphande wa mwakani.

Joshuwa 17:7

Seemu ya tsi ya mbari ya Manase yaandzira Asheri hadi Mikimethathi iriyo mlairo wa dzuwa wa Shekemu, chisha mphaka uchiphiya mwakani hadi seemu yosagalwa ni atu a Eni-Tapua.

Joshuwa 20:7

Phahi atenga midzi hino kpwa lengo riro: Mudzi wa Kedeshi hiko Galilaya urio seemu za tsi ya myango ya Nafutali, Shekemu urio seemu ya myango ya Efuraimu, Kiriathi-Ariba (yani Heburoni) urio tsi ya myango ya Juda.

Joshuwa 24:1

Tsona Joshuwa wakusanya mbari zosi za Iziraeli hiko Shekemu. Achiaiha atumia, vilongozi, aamuli na maofisaa a Iziraeli, achendaima mbere za Mlungu.

Joshuwa 24:32

Mifupha ya Yusufu ambayo Aiziraeli kala akaireha kula Misiri aizika hiko Shekemu. Seemu iyo ariyozikpwa kala ni eneo ambaro Jakobo kala akarigula kula kpwa ana a Hamori, Ise wa Shekemu, kpwa vipande gana mwenga vya feza. Arizi hino kala ikakala urisi wa chivyazi cha Yusufu.