Zaburi 6:6 - Digo Bible

⁶ Nikaremwa kpwa sababu ya kuula; chila usiku nalwamisa chitanda changu na matsozi, muto wangu ukalwama kpwa chiriro.

Zaburi 6:6 ပူးပေါင်းရင်းမြစ်များ

Ayubu 10:1

Ninabera maisha gangu, kulalama kpwangu ndakugomba chingʼangʼa, ndagomba utsungu wangu wosi wa moyoni.

Ayubu 16:20

Asena angu ananibera, ela matso gangu ganammwagira Mlungu matsozi.

Ayubu 23:2

“Hata vivi rero ncherelalamika kpwa sonono, dzagbwe naula, ela anaenderera kunitiya adabu.

Ayubu 7:3

ndivyo nrivyopangirwa miezi isiyokala na rorosi, nikapangirwa sonono ya chila usiku.

Zaburi 115:17

Atu ariofwa taaweza kumtogola Mwenyezi Mlungu, wala aho ariotserera kuzimu.

Zaburi 30:10

Sikira, ee Mwenyezi Mlungu, na unionere mbazi. Ee Mwenyezi Mlungu, niterya!”

Zaburi 38:9

Ee Mwenyezi Mlungu, gosi niazago unago mseho wangu sio siri kpwako.

Zaburi 39:12

“Sikira mavoyo gangu ee Mwenyezi Mlungu, phundza chiriro changu usihurire wakati ninarira mana mimi ni dza mjeni atsupaye, ni mcharo dza arivyokala akare angu.

Zaburi 42:3

Matsozi gangu gakakala avi ndicho chakurya changu usiku na mutsi chila wakati anaamba, “Akuphi ye Mlunguo?”

Zaburi 69:3

Kurira kpwangu kukaniremweza, umiro wangu ukafuwa. Nikamgodza Mlungu wangu hata ndipho matso gangu gaona wiziwizi.

Zaburi 88:11

Dze, mendzwayo isiyosika nkusemurirwa mo mbirani? Au uaminifuo nkusemurirwa wakati wa ubanangi?

Zaburi 88:9

matso gangu ga tele kpwa sababu ya chiriro. Chila siku ninakuririra, uwe Mwenyezi Mlungu, ninakugolosera mikono yangu.

Isaya 38:18

Mbira taiweza kukushukuru, chifo tachiweza kukutogola; Hara aphiyao kaburini taatarajiya kuona uaminifuo.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Sonono za Jeremia 2:11

Matso gangu gakaremwa kpwa kurira, roho yangu ikachafuka. Moyo wangu unafwa purungire kpwa sonono kpwa sababu ya kubanangbwa kpwa mwana mchetu wa atu angu, kpwa kukala anache na ana atsanga anahirika mo njira-njira za nyo mudzi.

Luka 7:38

Waima phephi na Jesu, achiandza kurira na matsozige gachitwena maguluni pha Jesu. Chisha achigaphangusa na nyereze, achimdonera magulu alafu achigapaka higo marashi.