Zaburi 6:2 - Digo Bible

² Nionera mbazi ee Mwenyezi Mlungu kpwa sababu ni mnyonje. Niphoza, mana mifupha yangu inaluma.

Zaburi 6:2 ပူးပေါင်းရင်းမြစ်များ

Mwandzo 20:17

Mwenyezi Mlungu kala akaafunga chivyazi achetu osi a kaya pha Abimeleki, kpwa sababu ya gara gohenderwa Sara, mkpwaza Burahimu. Hipho, Burahimu wamuvoyera Abimeleki na Mlungu achimphoza. Piya achimvugula chivyazi mchewe na atumwae achetu, achikala anavyala tsona.

Ayubu 19:21

Nionerani mbazi, nionerani mbazi, mwi asena angu, mana Mlungu akaniguta na mkpwonowe.

Ayubu 5:18

Mana nkutiya vironda, chisha akavifunga iye nkulumiza chisha akaphoza.

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Zaburi 30:2

Ee Mwenyezi Mlungu, Mlungu wangu nákuririra uniterye, nawe uchiniphoza.

Zaburi 31:10

Maisha gangu gakasira kpwa sonono na miaka yangu inaphunguka kpwa kuula sina mkpwotse kpwa sababu ya tabu hata mifupha yangu ikakala minyonje.

Zaburi 32:3

Wakati sidzangbwekubali makosa gangu kala ni mnyonje kpwa kuula mutsi wosi.

Zaburi 38:2

Mana miviyo ikanidunga na mkpwonoo ukanifyeha.

Zaburi 38:3

Mwiri wangu sio mzima tsona kpwa sababu ukanireyera nkakala mnyonje kpwa sababu ya dambi yangu.

Zaburi 38:7

Vilungo vyangu vinaaka moho mwiri wangu tauna uzima.

Zaburi 51:8

Nihenda nihererwe na nisikire raha, Nihenda mimi, uriyenivundza-vundza nikale na raha.

Kutsama 15:26

achiamba, “Mchiphundza sauti yangu kpwa makini na kuhenda garigo sawa, na mchiphundza amuri na kulunga malagizo gangu, sindakureherani makongo dza nrigoarehera Amisiri. Mana mimi, ndimi Mwenyezi Mlungu, Mlungu wenu, ambaye nkukuphozani.”

Jeremia 10:24

Nirekebisha, ee Mwenyezi Mlungu, henda vivyo kpwa haki, usihende na tsukizi sedze ukaniangamiza.

Jeremia 17:14

Niphoza, ee Mwenyezi Mlungu, nami nindaphola; Nitivya, nami nindaokoka, mana uwe ndiwe ninayekutogola.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Isabu 12:13

Ndipho Musa achimririra Mwenyezi Mlungu achimuamba, “Ee Mlungu, nakuvoya umuphoze.”

Mathayo 4:24

Ngumaye yavuma na ichigota hadi seemu yosi ya jimbo ra Siria. Atu amrehera akongo a chila aina, a kulumwa sana, a kutawalwa ni pepho, a chifwafwa na a kuphola vilungo, naye achiaphoza.

Kumbukumbu 32:39

Vivi lolani na mmanye kukala Mimi machiyangu ndimi Mlungu na wala taphana wanjina isiphokala mimi. Mimi nkuolaga na kuika moyo, ninalumiza na kuphoza, na taphana yeyesi awezaye kutivya kula katika mikono yangu.