Zaburi 56:4 - Digo Bible

⁴ Namkuluphira Mlungu ambaye nenore naritogola, namkuluphira Mlungu bila wuoga. Kpwani mwanadamu andanihendani?

Zaburi 56:4 ပူးပေါင်းရင်းမြစ်များ

2 Nyakati 20:3

Jehoshafati waogopha, achiuelekeza usowe kumuendza Mwenyezi Mlungu na achipiga mbiru atu osi a Juda afunge.

2 Nyakati 20:4

Atu a Juda akusanyika phamwenga ili aendze msada wa Mwenyezi Mlungu. Atuluka kula midzi yosi ya Juda kpwedzaendza Mwenyezi Mlungu.

Zaburi 118:6

Mwenyezi Mlungu a uphande wangu, nami sindaogopha chochosi. Mwanadamu andanihendani?

Zaburi 119:160

Manenogo gosi ni ga kpweli, shariyazo zosi za haki zinadumu ta kare na kare.

Zaburi 12:6

Ahadi za Mwenyezi Mlungu tazina ati-ati, ni swafi dza feza ichiyotsuswa na moho kano sabaa, dza feza ichiyotsuswa kano sabaa.

Zaburi 138:2

Nazama kukuabudu kuelekeya nyumbayo takatifu na kurilavira shukurani dzinaro kpwa sababu ya mendzwayo isiyosika na uaminifuo. Mana uwe ukaika dzinaro na nenoro ukarihenda rikale dzulu kuriko vitu vyosi.

Zaburi 27:1

Mwenyezi Mlungu ndiye mwanga wangu na wokofu wangu, nimuogophe ani? Mwenyezi Mlungu ndiye ngome ya maisha gangu, nimuogophe ani?

Isaya 31:3

Amisiri ni anadamu, si milungu Farasi aho ana miri ya kawaida taaweza kuishi ta kare na kare, Mwenyezi Mlungu ndiphoonyesa nguvuze andaangamiza ateryaye na aterywao. Osi andafwa phamwenga.

Isaya 41:10

Usiogophe, mana mimi ni phamwenga nawe, usihende wasiwasi mana mimi ndimi Mlunguo, nindakutiya nguvu na nkuterye ndakugbwira na mkpwono wa kulume wa haki yangu.

Johana 10:35

Maandiko ganaamba kukala, atu ariophokera ujumbe wa Mlungu aihwa ‘milungu’ ni Mlungu mwenye. Naswi hunamanya kukala Maandiko ganagomba kpweli siku zosi.

Aeburania 13:6

Ndiyo mana hunaweza kugomba bila wuoga hukaamba, “Mwenyezi Mlungu ndiye msaidizi wangu, sindaogopha chochosi. Mwanadamu andanihendani?”

1 Samueli 30:6

Daudi wasononeka sana kpwa mana atu kala analonda kumpiga mawe kpwa sababu chila mutu kala ana utsungu wa anae a chilume na a chichetu. Ela Daudi wadzipha moyo kahi ya Mwenyezi Mlungu, Mlunguwe.