Zaburi 51:18 - Digo Bible

¹⁸ Uonere mbazi mudzi wa Sayuni na uuhendere manono, uzidzenge tsona kuta za Jerusalemu.

Zaburi 51:18 ပူးပေါင်းရင်းမြစ်များ

Nehemia 2:17

Ndipho nchiaambira, “Mwimwi mnamanya yo tabu huriyonayo, ya kukala Jerusalemu ni gandzo na maryangoge gaochwa. Phahi nahudzengeni luphya nyo ukuta wa Jerusalemu, naswi tahundaberwa tsona.”

Zaburi 102:16

Mwenyezi Mlungu andadzenga luphya Sayuni andatsembuka kuonyesa ngumaye.

Zaburi 147:2

Mwenyezi Mlungu ndiye adzengaye Jerusalemu, na kukusanya Aiziraeli ariokala akatsamizwa kpwa lazima.

Zaburi 25:22

Ee Mlungu, kombola Aiziraeli, na tabu zao zosi.

Zaburi 40:7

Ndipho nchiamba, “Himi nkedza, malagizo utakago nigbwire dza vyoandikpwa kunihusu kpwenye chitabu cha shariya.

Zaburi 69:35

Mana Mlungu andativya Sayuni na kudzenga midzi ya Juda na atumishie andasagala himo na kuimiliki.

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Isaya 58:12

Magandzogo ga kare gandadzengbwa luphya, undaimisa misingi ya kare, mundaihwa atu a kurekebisha kuta zenye myanya, na njira za midzi.

Isaya 62:1

Kpwa ajili ya Sayuni, sindanyamala, kpwa sababu ya Jerusalemu, sindahurira bii, hadi hakiye ingʼale dza mwanga wa ligundzu, na wokofuwe ungʼale dza chimwindi cha moho.

Jeremia 51:50

Mwimwi muchiochimbira upanga, musiime, endererani kuphiya! Mtambukireni Mwenyezi Mlungu ko kure mriko, na musiiyale Jerusalemu.

Danieli 9:25

Phahi gaga ni ugamanye na ugaelewe: Kula wakati amuri ya kudzenga luphya Jerusalemu ndiphotuluzwa hadi ndiphokpwedza ye mkpwulu ariyepakpwa mafuha, ni muda wa miaka sabaa kano sabaa. Chisha kpwa muda wa miaka mirongo sita na miiri kano sabaa, Jerusalemu indadzengbwa luphya na barabara na mitaru mikulu kuzunguluka, ela muda uho undakala wa tabu.

Mika 6:7

Dze, Mwenyezi Mlungu andahamirwa ni maelufu ga maturume au myuho maelufu na maelufu ga mafuha ga zaituni? Dze, nimulavye mwanangu wa mbere kpwa kuniriphira makosa gangu, mlatso wangu mwenye kpwa sababu ya dambi yangu?

Mika 7:11

Wakati wa kudzenga kuta zenu u phephi! Wakati hinyo miphaka yenu indaenjerezwa.

Zakariya 2:5

Kpwa mana mimi mwenye, nindakala ukuta wa moho kuzunguluka nyo mudzi wosi, mimi Mwenyezi Mlungu nkaamba. Nami nindakala utukufu mo mudzini.’ ”

Luka 12:32

“Mwi afuasi angu mu chikundi chidide, ela msiogophe, mana Sowe Yenu Mlungu anaonato kukutawalani na kukurindani.

Aefeso 1:5

Mlungu waonato na achikata shauri kuhuhenda anae. Wahenda hivyo kpwa gara hurigohenderwa ni Jesu Masihi, kulengana na mpangowe na vyomhamira.

Aefeso 1:9

na achihumanyisa mpangowe wa siri, arioupanga hangu kare kulengana na viratu arivyoona vinamhamira. Wakata shauri kumuhumira Jesu

Afilipi 2:13

Mana Mlungu ndiye ahendaye kazi mwenu mioyoni. Nkukuhendani muaze alondago na kuhenda kulengana na mpangowe.

2 Athesalonike 1:11

Mlungu wakutsambulani ili mkale atue. Naswi hunakuvoyerani chila wakati msagale vira mlondwavyo, ili aone munafwaha kutsambulwa. Piya hunavoya akupheni uwezo wa kuhenda manono muazago, kpwa sababu ya kumkuluphira Jesu.