Zaburi 51:1 - Digo Bible

¹ Nionera mbazi, ee Mlungu, sawa-sawa na mendzwayo isiyosika. Futa uyi wangu, kulengana na unji wa mbazizo.

Zaburi 51:1 ပူးပေါင်းရင်းမြစ်များ

2 Samueli 11:2

Siku mwenga madzuwa ga dziloni, Daudi waunuka chitandani, achinyendeka-nyendeka dzulu ya paa ya dzumba ra chifalume. Ariphokala hipho dzulu ya paa waona mchetu anaoga. Mchetu mwenye kala ni mnono takuna.

Nehemia 4:5

Usigafute wala kugafwinika makosa gao mberezo, mana akalaphiza adzengadzi.”

Zaburi 106:45

Kpwa sababu yao watambukira chilaganeche, achiaonera imani kulengana na unji wa mendzwaye isiyosika.

Zaburi 106:7

Akare ehu, ariphokala Misiri, taayajali mahendogo ga ajabu, taayatambukira unji wa mendzwayo isiyosika, ela aasi ko kanda-kanda ya Bahari ya Shamu.

Zaburi 109:21

Ela uwe, ee Mwenyezi Mlungu Bwana wangu, nishuulikiya vinono kpwa sababu ya dzinaro kpwa vira mendzwayo isiyosika ni nono, nitivya.

Zaburi 119:124

Nihendera mimi mtumishio kulengana na mendzwayo isiyosika, na unifundze shariyazo.

Zaburi 145:9

Mwenyezi Mlungu ni mnono kpwa osi, na ana mbazi na vyosi arivyoumba.

Zaburi 4:1

Ee Mlungu, mhehezi wa haki yangu, nijibu nivoyapho. Nriphokala na shida, uwe waniterya. Vivi nionera mbazi na uniphe nivoyaro.

Zaburi 40:11

Usikose kunionera mbazi ee Mwenyezi Mlungu mendzwayo isiyosika na uaminifuo naunitundze siku zosi!

Zaburi 5:7

Ela kpwa sababu ya unji wa mendzwayo nindainjira mwako nyumbani, na kuabudu kpwa kukuogopha ndani ya Nyumbayo takatifu.

Zaburi 51:9

Usitambukire dambi zangu, na ufute uyi wangu wosi.

Zaburi 69:13

Ela mino nakuvoya uwe ee Mwenyezi Mlungu, kahi za wakati unaoukubali uwe, ee Mwenyezi Mlungu, kahi za mendzwayo isiyosika, nijibu uniterye kpwa uaminifuo.

Zaburi 69:16

Nijibu ee Mwenyezi Mlungu, kpwa sababu ya mendzwayo nono isiyosika, nigalukira mimi kulengana na unji wa mbazizo.

Zaburi 77:9

Dze, Mlungu akayala kukala na mbazi? Dze, akazuwiya mbazize kpwa tsukizi?”

Isaya 43:25

Mimi ndimi nigafutaye makosago kpwa ajili yangu, na sindazitambukira dambizo tsona.

Isaya 44:22

Nikagafuta makosago dza ingu ziho, nikazifuta dambizo dza guro, niuyira, mana nikakukombola.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Isaya 63:7

Nindasemurira mendzwa ya Mwenyezi Mlungu isiyosika, nindamtogola kpwa gosi arigohuhendera Mwenyezi Mlungu waihendera mambo manji manono nyumba ya Iziraeli, kpwa sababu ya mbazize na mendzwaye isiyosika.

Jeremia 18:23

Uwe Mwenyezi Mlungu unamanya mipango yao ya kulonda kuniangamiza. Usiaswamehe uyi wao, wala kufuta dambi zao. Naagbwe photsi mberezo, shuulika nao wakati ukatsukirwa.

Sonono za Jeremia 3:32

Dzagbwe nkureha sonono, ela nkuonyesa mbazi, kulengana na mendzwaye nyinji isiyosika.

Danieli 9:18

Hega sikiro usikire ee Mlungu wangu, ungʼaze matsogo ulole zo tabu hurizo nazo na vira mudzi uihwao kpwa dzinaro urivyo gandzo. Hunakuvoya si kpwa kukala hwahenda haki, ela ni kpwa kukala una mbazi nyinji.

Danieli 9:9

Ela uwe Mwenyezi Mlungu u wa mbazi na msamaha hata napho hukakuasi.

Mahendo 3:19

Phahi tubuni na mgaluze mioyo yenu na kulola Mlungu ili akuusireni dambi zenu.

Akolosai 2:14

Ni kama avi mahendo gehu gosi ga dambi kala gakaandikpwa, huchishitakiwa kotini, na huchiphahikana na makosa. Phahi Mlungu wahufutira makosa gehu phara Jesu ariphokotwa msalabani,