Zaburi 50:19 - Digo Bible

¹⁹ Kanwa zenu zi tele uyi na ndimi zenu zinatunga handzo chila wakati.

Zaburi 50:19 ပူးပေါင်းရင်းမြစ်များ

Zaburi 10:7

Miromo yao i tele lana, handzo na vitisho. Aho nkugomba maneno mai ga kureyeza chila wakati.

Zaburi 5:9

Anagobisha sigo ga kpweli, maazo gao ni ga kuangamiza atu. Miro zao ni dza mbira za wazi, anahumira ndimi zao kugomba handzo.

Zaburi 55:12

Hata siyugbwa ni adui mino kala nigago ningevumirira wala sio kukala nahenderwa mai ni mviha wangu, kala ni hivyo ningedzifwitsa.

Zaburi 55:21

Manenoge kala ga laini kuriko siagi, ela mwakpwe moyoni kala anaaza viha, manenoge kala ga laini kutsupa mafuha ela ganakata dza upanga.

Jeremia 9:5

Chila mutu anachenga jiraniwe, taphana agombaye kpweli, akafundza malilimi gao kugomba handzo, anahenda uyi chiasi cha kushindwa kutubu.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”