Zaburi 5:10 - Digo Bible

¹⁰ Uwe Mlungu, atiye adabu kpwa uasi wao; henda mipango yao iaangamize enye. Azole kpwa sababu ya unji wa dambi zao, mana akakuasi.

Zaburi 5:10 ပူးပေါင်းရင်းမြစ်များ

2 Samueli 15:31

Daudi achiambirwa kukala, “Ahithofeli ni mmwenga wa hinyo ariokuricha achigbwirana na Abusalomu.” Ndipho Daudi achiamba, “Ee Mwenyezi Mlungu, nakuvoya, urigaluze shauri ra Ahithofeli rikale ovyo.”

2 Samueli 17:14

Naye Abusalomu na atu osi a Iziraeli achiamba, “Ushauri wa Hushai ni mnono kuriko ushauri wa Ahithofeli.” Kpwa mana Mwenyezi Mlungu kala wakusudiya kurivundza shauri nono ra Ahithofeli ili amrehere Abusalomu mashaka.

2 Samueli 17:23

Naye Ahithofeli ariphoona kukala mashaurige tagakalungbwa, wapanda pundawe achiuka, achiphiya kpwakpwe kaya hiko kpwao mudzini. Bada ya kuika sawa mambo ga mwakpwe nyumbani, wadzisongola na achizikpwa phao vikurani.

2 Nyakati 25:16

Wakati hiye nabii acheregomba, mfalume Amaziya wamkata kauli achimuamba, “Uwe siwe mmwengawapho wa ashauri angu! Nyamala sedze nkakuolaga.” Hipho yuya nabii wanyamala, ela achiamba, “Namanya kukala Mlungu akakusudiya kukutiya adabu, kpwa mana, kpwandza ukakosera na kutaki kuphundza ushauri wangu.”

Esta 7:10

Phahi Hamani achihalwa achendasongolwa dzulu ya hinyo muhi ariokala akamtengezera Modekai na tsukizi za mfalume zichidigirika.

Zaburi 10:15

Bananga mkpwotse wa mutu mui, sisa uyiwe wosi.

Zaburi 107:11

Mana arema kugbwira maneno ga Mlungu, tsona abera wasiya wa Iye Ariye Dzulu Kuriko Vyosi.

Zaburi 17:13

Unuka Mwenyezi Mlungu! Pingana nao uashinde! Nitivya na atu ayi kpwa upangao.

Zaburi 31:18

Miromo igombayo handzo nainyamazwe, igombayo maneno mai kuhusu atu a haki kpwa shobo na chibero.

Zaburi 35:26

Hinyo anifyorerao nfikpwapho ni mai naaphahe waibu na atatizike aho adzikaryao chinyume changu naatiye waibu na aberwe.

Zaburi 55:15

Baha gakafwa higo maadui gangu, kamwe nagaphiye kuzimu kuno ganalola mana mioyo yao ikaodzala uyi.

Zaburi 66:7

Anatawala na uwezo hata kare na kare na matsoge ganalola mataifa gosi, hinyo asiosikira naasiime kumpinga.

Zaburi 71:13

Hinyo anishitakio naagbwizwe haya na aangamizwe, hinyo alondao kunilumiza, naaphahwe ni waibu na akoserwa ishima.

Zaburi 79:12

Ee Mwenyezi Mlungu, ariphize kano sabaa, atu a mataifa jirani kpwa sababu ya kulaphiza ariookulaphiza.

Isaya 1:2

Phundzani ko mlunguni na musikire ko duniani! Mana Mwenyezi Mlungu akagomba: “Náarera anangu hadi achikula ela akaniasi taalonda kuniphundza.

Isaya 1:20

Ela mchirema na mchiniasi maadui genu gandakuturyani mufwe vihani.” Mana Mimi Mwenyezi Mlungu nkaamba.

Isaya 63:10

Ela aasi achisononesa Roho Mtakatifu. Kpwa hivyo achigaluka kukala adui wao, naye achipigana nao.

Sonono za Jeremia 1:5

Avihae akamturya, nago maaduige gana ongokerwa, Mana Mwenyezi Mlungu akamuhenda ateseke kpwa sababu ya dambize nyinji, anae akahalwa mateka, ni mviha.

Danieli 9:5

Swiswi hukahenda dambi na hukakukosera. Hukakuhendera mai na hukakuasi. Hukavundza amurizo na shariyazo.

Danieli 9:9

Ela uwe Mwenyezi Mlungu u wa mbazi na msamaha hata napho hukakuasi.

Hosea 9:7

Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

1 Akorintho 3:19

Kpwa mana gara ambago mwanadamu anaona ni ikima, Mlungu kpwakpwe ni uzuzu. Mana Maandiko ganaamba, “Mlungu nkuagbwira enye ikima kpwa kuhumira ulachu wao.”

Kumbukumbu 2:30

Ela Sihoni, mfalume wa Heshiboni, kayahuruhusu hutsupe kpwenye tsiiye. Mwenyezi Mlungu, Mlungu wenu, wamuhenda akale na moyo mufu na likakado, ili amutiye mwehu mikononi phamwenga na tsiiye dza irivyo sambi.

1 Samueli 25:29

Dzagbwe kuna atu anaokuindza akuolage, Mwenyezi Mlungu, Mlunguo andakurinda. Ela roho za avihao ndizo andazitsupha dza mutu atsuphavyo dziwe na tero.

1 Samueli 25:39

Daudi ariphosikira Nabali akafwa, waamba, “Naatogolwe Mwenyezi Mlungu ambaye akamriphiza Nabali kpwa vyo arivyonilaphiza na kunizuwiya mimi mtumishiwe nsihende mai. Mwenyezi Mlungu akamuuyizira mwenye Nabali uyiwe.” Alafu Daudi wahuma atu, akamposere Abigaili amlóle.