Zaburi 45:3 - Digo Bible

³ Tsomeka upangao chibiruni, uwe sujaa, mana una nguma na utukufu.

Zaburi 45:3 ပူးပေါင်းရင်းမြစ်များ

Ayubu 1:16

Wakati acheregomba, phakpwedza muhumwa wanjina achedzamuamba, “Kukahenda limeme kula mlunguni rikaocha mangʼondzi, mbuzi na arisa, mimi machiyangu ndimi nchiyetiya, nkedzakurehera ujumbe huno.”

Zaburi 104:1

Mtogole Mwenyezi Mlungu, uwe roho yangu. Ee Mwenyezi Mlungu, Mlungu wangu, uwe ndiwe mkpwulu sana, ukaodzala nguma na mamlaka.

Zaburi 145:12

ili chila mutu amanye mahendogo makulu, na nguma ya unono wa ufalumeo.

Zaburi 145:5

Nindaririkana nguma ya unono wa ukuluo na mahendogo ga ajabu.

Zaburi 21:5

Ushindi uchiomupha ukamuhenda akale na utukufu mkpwulu ukamjaliya nguma na ishima.

Zaburi 21:7

Mana mfalume nkumkuluphira Mwenyezi Mlungu na kpwa sababu ya mendzwa isiyosika ya Iye Ariye Dzulu Kuriko Vyosi, kandakakamiswa ni utu.

Zaburi 96:6

Ishima na mamlaka ga mbereze, nguvu na unono u phatuphe phatakatifu.

Wira wa Selemani 2:3

Dza mtofaa kahi ya mihi ya tsakani, ndivyo arivyo wende wangu kahi za avulana ayae. Naonato kusagala phakpwe pephoni na kurya matundage ga mtswano.

Wira wa Selemani 5:13

Mafundage ni dza munda uphandwao vilungo vinukavyo vinono. Madomoge ni dza matoro, chigotiywa manukato ga manemane.

Isaya 49:2

Iye wahenda kanwa yangu ikale dza upanga wa kurya. Achinifwitsa na chivurivuri cha mkpwonowe, na achinihenda nikale dza muvwi uchionolwa, chisha achinifwitsa kpwenye ryakare.

Mahendo 10:36

Mnamanya ujumbe ambao Mlungu wauphirikira Aiziraeli, kukala mutu yeyesi amkuluphiraye Jesu Masihi, ambaye ndiye Bwana wa atu osi, andasagala na amani.

Arumi 14:9

Mana Jesu wafwa na achifufuka ili akale Bwana wa atu ariofwa na ario moyo.

Aeburania 1:3

Hiye Mwana anangʼala kpwa utukufu wa Mlungu na anaonyesa sura kamili ya vira Mlungu arivyo. Anahenda vitu vyosi vya duniani na vya mlunguni vienderere kukala vyo virivyo kpwa nenore renye uwezo. Ariphodzilavya dza sadaka ya kuusira atu dambi, wakpwendasagala mkpwono wa kulume wa Mwenyezi Mlungu, phatu pha ishima kulu ko mlunguni.

Aeburania 4:12

Mana ujumbe wa Mlungu u moyo na una nguvu sana. Tsona ni dza upanga urio na maso pande zosi mbiri, unaodunga kahi za mioyo na maroho gehu na kuganya vilungo vya mwiri na mafuha ga mifuphani. Piya ujumbe wa Mlungu unaweza kumanya maazo na nia za mioyo yehu.

Aeburania 8:1

Kahi za mambo gosi higo, ra muhimu zaidi ni hiri: mlavyadzi-sadaka wehu mkpwulu asegere mkpwono wa kulume wa Mlungu, phatu pha ishima kulu sana hiko mlunguni.

Juda 1:25

Kpwa sababu ya Bwana wehu Jesu Masihi nahumtogoleni Mlungu kpwa mana iye macheye ndiye Mlungu wa kpweli, na Muokoli wehu. Nahumlikeni kpwa kukala iye ni Mfalume Mkpwulu, ana nguvu na uwezo, ariokala nao hangu mwandzo, na andaenderera kukala nao hadi kare na kare! Amina.

Maono 1:16

Tsona kala ana nyenyezi sabaa mkpwono wa kulume. Mwakpwe mromoni kala mchituluka upanga wa kurya sana, chisha wa maso kosi-kosi. Usowe kala unangʼala dza viratu dzuwa kali.

Maono 19:15

Mwakpwe kanwani mwatuluka upanga wa kurya sana. Andauhumira kushinda mataifa gosi duniani naye andagatawala na uwezo mkpwulu. Tsona aminye uchi mufu wa tsukizi za Mlungu Mwenye Nguvu Zosi.

Maono 19:21

Hiye mutu yekala asegere dzulu ya farasi, wahumira upangawe utulukao kula kanwani kuolagira majeshi garigosala. Na nyo nderi achirya zo nyama hata achisinywa.

Aamuli 3:16

Ehudi achidzitengezera phanga ra maso ga kosi-kosi ra ure wa nusu mita. Achirifunga phakpwe nyongani, nyonga ya kulume na achirifwinika na vwazire.