Zaburi 43:2 - Digo Bible

² Uwe Mlungu ndiwe nkuchimbiriraye, mbona unaniricha? Kpwa utu wani niangaike na sonono kpwa kuteswa ni maadui?

Zaburi 43:2 ပူးပေါင်းရင်းမြစ်များ

1 Nyakati 28:9

Daudi waenderera kugomba achiamba, “Uwe mwanangu Selemani, manya Mlungu wa sowe, umuhumikire na moyoo wosi na ummendze kpwa achilizo zosi. Mana Mwenyezi Mlungu anaelewa mioyo yosi na anamanya mipango yosi na maazo gosi. Uchimuendza andakujibu, ela uchimpaza andakupuza hata kare na kare.

Zaburi 140:7

Ee Mwenyezi Mlungu, Bwana wangu na muokoli wangu mwenye nguvu, uniheheraye wakati wa viha.

Zaburi 28:7

Mwenyezi Mlungu ndiye nguvu yangu na ngao yangu, moyo wangu unamkuluphira iye, iye nkuniterya, na moyo wangu unashangiliya nami nindamuimbira wira wa shukurani.

Zaburi 31:4

Ntuluza kpwenye muhego nchiohegerwa mana uwe ndiwe chimbiriro rangu.

Zaburi 42:10

Maneno ga aviha angu gakanihenda nkale dza mutu wa chironda cha mrema, saa zosi ananiuza anaamba, “Akuphi ye Mlunguo?”

Zaburi 42:9

Ndamuamba Mlungu, mwamba wangu, “Kpwa utu wani ukaniyala? Kpwa utu wani niangaike na sonono kpwa kuteswa ni adui?”

Zaburi 44:9

Ela uwe ukahuricha na ukahuhenda hushindwe ni maadui gehu, kuphiya na majeshi gehu tsona.

Zaburi 71:9

Nchedza nchitsakala usinitsuphe, nchedza fikira wakati wa kukala sina nguvu usiniriche.

Zaburi 77:7

“Dze, Mwenyezi Mlungu akahurema hata kare na kare? Dze, kandakala razi naswi tsona?

Zaburi 88:15

Nágaya hangu wanache wangu, nágaya karibu kufwa. Unanitishira hata ninakakama kpwa chiwewe, nami nkakata tamaa!

Zaburi 94:14

Mana Mwenyezi Mlungu kandaricha atue, kandatsupha atu ario urisiwe.

Kutsama 15:2

Mwenyezi Mlungu ndiye mkpwotse na nguvu yangu iye ndiye achiyenitivya. Iye ni Mlungu wangu, nami ndamtogola kpwa mawira. Iye ni Mlungu wa akare angu, nami nindaimba kumtogola.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Isaya 45:24

Atu andagomba kunihusu kuamba, ‘Kpwa Mwenyezi Mlungu macheye, ndiko kuriko na haki na nguvu.’ Osi ariomtsukirirwa andamwedzera, nao andatiywa waibu.

Zakariya 10:12

Mimi mwenye nindaatiya nguvu atu angu, nao andaniabudu na kuniogopha. Mimi Mwenyezi Mlungu nkaamba.”

Aefeso 6:10

Chimarigizo, nalonda uwezo mkpwulu wa Bwana Jesu ukutiyeni nguvu.

Afilipi 4:13

Mana naweza kuhenda chila chitu kpwa msada wa iye aniphaye nguvu.