Zaburi 39:5 - Digo Bible

⁵ Lola, ukahenda siku zangu zikale chache muda wa maisha gangu si chochosi kpwako. Kpwa kpweli chila mutu ni dza mseho tu!

Zaburi 39:5 ပူးပေါင်းရင်းမြစ်များ

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

2 Samueli 19:34

Ela Barizilai wamjibu mfalume achimuamba, “Siku zangu chizosala ni ngaphi phahi hata niphiye phamwenga na mfalume Jerusalemu?

Ayubu 7:6

Siku zangu zinaphiya mairo kuriko gurudumo ra mshonadzi, nazo nkusira bila ya kuluphiro.

Zaburi 144:4

Mutu ni dza mseho bahi sikuze avi ni chivurivuri chitsupacho.

Zaburi 39:11

Unaphomtiya adabu mutu kpwa kumdemurira kuhusu dambi ukubananga chila amendzacho dza lutswa ribanangavyo, kpwa kpweli mwanadamu ni dza mseho!

Zaburi 62:9

Anadamu osi ni dza mseho, osi avyere kpwa adide, taafwaha chitu. Tsona uchiapima mkpwotse wao taufika hata kilo mwenga, osi phamwenga achipimwa mkpwotse wao taufika hata wa pumuzi.

Zaburi 89:47

Tambukira vyo maisha gangu garivyo mafupi, tambukira mwanadamu uriyemuumba ni kufwa.

Zaburi 90:12

Hufundze humanye vira maisha gehu garivyo mafupi, ili hukale na ikima.

Muhubiri 1:2

Muhubiri anaamba, “Takuna rinarodumu tsetsetse, gosi gahendekago ganatsapa.”

Muhubiri 2:11

Chisha nchilola gosi nrigohenda na mikono yangu na vyo nirivyokala na chadi kugahenda. Nami nchimanya kukala gosi tagana mana, sawa na kuzoresa phepho, chitu sichokala na fwaida phapha tsini ya dzuwa.

Isaya 40:17

Mataifa ganjina gosi si chitu mbereze, kpwakpwe iye ganatalwa kukala tagana mana yoyosi na tagafwaha chitu.

Jakobo 4:14

Mwimwi tammanya maisha genu ndivyokala muhondo! Mana maisha genu ni dza guro ambaro nkutuluka kpwa muda alafu rikayaya.

2 Petero 3:8

Ela enehu, msione kukala Mlungu anafikiriya dza vivyo mwimwi. Mana kpwa Mlungu siku mwenga ni sawa na miaka elufu mwenga, na miaka elufu mwenga ni sawa na siku mwenga.